Paano Gumagana ang Medikal na Abortion Pill
Ang gamot na ginamit sa mga medikal na abortion pill ay gumagana sa pamamagitan ng pagpapalubay at pagbubukas sa sipit-sipitan (pagkakabukas sa matris), at nagdudulot ng kontraksyon sa matris, na itinutulak palabas ang pagbubuntis.
Sa medikal na abortion pill na misoprostol, karaniwan sa loob nang 1 hanggang 2 oras na tanggapin sa loob ng katawan ang unang set ng mga pill, magsisimula kang magkaroon ng paghilab at pagdurugo. Ang aborsyon ay pangkaraniwang nagaganap sa loob nang 24 na oras ng pag-inom sa huling mga pill ng misoprostol. Kadalasan, nangyayari na ito bago pa man ang huling pag-inom na ‘yan.
Nababahala Pagkatapos Uminom ng Mga Abortion Pill?
Nasa ibaba ang ilan sa mga paraan para masabi na inyo nang nailabas ang tissue sa pagbubuntis (pregnancy tissue) pagkatapos inumin ang mga abortion pill:
- Maaaring matukoy niyo ang tissue sa pagbubuntis bilang maliit maitim na kulay-ubas at maninipis na lamad (membranes).
- Ang tissue sa pagbubuntis ay tila mukha ring maliit na suput-suputang (sac) napapaligiran ng isang maputi at malambot na sapin.
Depende sa edad ng pagbubuntis, ang mga tissue na ito ay maaaring maging mas maliit sa iyong kuko, hanggang sa laki ng iyong hinlalaki.
Kung matutukoy mo ang mga tissue na ito, iyon ay isang indikasyon na matagumpay ang aborsyon. Kadalasan ang tissue sa pagbubuntis ay maaaring nakabalot sa mga namuong dugo. Maaaring hindi mo ito makita maliban na lang kung masusi mo itong titingnan. Kung ikaw ay may pagtatae (diarrhea) dahil sa mga abortion pill, maaaring maging mas mahirap na tukuyin ang tissue. Huwag mag-alala kung mangyayari ito. Isa itong normal na side effect.
Mga Sanggunian:
- “Induced Abortion.” American College of Obstetrics and Gynecologists.
https://www.acog.org/Patients/FAQs/Induced-Abortion - “Care for Women Choosing Medication Abortion.” The Nurse Practitioner.
https://journals.lww.com/tnpj/Citation/2004/10000/Care_for_Women_Choosing_Medication_Abortion.9.aspx - “Safe abortion: technical and policy guidance for health systems.”The World Health Organization.
https://apps.who.int/iris/bitstream/handle/10665/70914/?sequence=1