Wahala and gbege of Abortion medicine fit cause


How much blood and belle pain dey normal after I take Misoprostol?

For some women, de belle pain no be for here o – e pain pass de one wey person go feel wen dia period wan come (dat na if you dey get belle pain wen your period dey come) and de blood wey go dey come out go plenti pass dia normal period. You fit commot blood wey thick like de size of lemons for de first few hours after you don take misoprostol. For other women, de belle pain dey small and blood fit be like dia normal period.

What of if I no see blood after I take misoprostol?

Go meet your healthcare people if you no see blood or na small blood with serious pain (especially for your right shoulder) wey ibuprofen no fit cure. Dis fit be sign of ectopic pregnancy (pregnancy wey de outside de uterus). Although no be every time e dey happen, e fit wan kill person. You fit also contact our friends for www.safe2choose.org to yarn with correct abortion counsellor if you think say the abortion no dey successful.

What if I dey see too much blood after I take de abortion medicine?

Go see your healthcare people If you don soak 2 normal pad every hour for 2 hours straight after you think say de belle don commot, dis na too much blood. Wen we say soak, e mean say blood full de pad, from front to back, from left to right and center, de blood just full yakata.

Wetin I fit do to manage any pain after I take de abortion medicine?

Take 3-4 pills (200 mg) every 6-8 hours to help commot de pain. Remember say you fit take Ibuprofen before you use misoprostol sef.

Shey I fit eat normally after I take de abortion medicine?

After de misoprostol don melt, you fit eat as you like. Dry food (e.g crackers or toast) fit help you if you dey feel like say you wan vomit, while green leaf vegetables, eggs, and red meat fit help recover de minerals wey you lose wen you dey commot de belle.

Shey I fit drink liquids normally after I take de abortion medicine?

After de misoprostol don melt, you fit drink any liquid wey you like (except alcohol).

Shey I fit drink alcohol wen and after de abortion medicine?

Make you no take alcohol as you dey take treatment so dat de medicine go work well. Alcohol fit also cause uterine bleeding to increase for some cases and make other medicines wey you take to reduce pain or infection to no work well (for women wey dey deal with gbege). De general recommendation be say, make you no take alcohol until you confirm say de abortion don complete and you dey feel well.

How long e dey take for de wahala wey de abortion medicine dey bring to take go?

Most women go commot de belle within 4 - 5 hours and dem go feel betta in less dan 24 hours. Na normal thing to continue to see small small shikini shikini blood until your next period wey go come in 3 - 4 weeks.

Shey e dey normal to feel sick or feel like say I wan vomit after I take Misoprostol?

Na normal thing to feel sick, dey shit anyhow, cold dey catch, or to even feel like say your bodi dey hot during dis time. Most women dey report say dem sabi wen de belle commot because de blood kon dey slow down, and dem dey start to dey feel betta.

Wetin make I do if I still get belle after I don take de abortion medicine?

Some women fit need to do surgery if dem still get belle after dem don take de medicine. Remember say treatment for abortion wey no complete dey available for around de world. You get right to dis kain service, even if abortion dey legally restricted for your country.

Wahala and gbege of Abortion medicine fit cause

For some women, de belle pain no be for here o – e pain pass de one wey person go feel wen dia period wan come (dat na if you dey get belle pain wen your period dey come) and de blood wey go dey come out go plenti pass dia normal period. You fit commot blood wey thick like de size of lemons for de first few hours after you don take misoprostol. For other women, de belle pain dey small and blood fit be like dia normal period.

Go meet your healthcare people if you no see blood or na small blood with serious pain (especially for your right shoulder) wey ibuprofen no fit cure. Dis fit be sign of ectopic pregnancy (pregnancy wey de outside de uterus). Although no be every time e dey happen, e fit wan kill person. You fit also contact our friends for www.safe2choose.org to yarn with correct abortion counsellor if you think say the abortion no dey successful.

Go see your healthcare people If you don soak 2 normal pad every hour for 2 hours straight after you think say de belle don commot, dis na too much blood. Wen we say soak, e mean say blood full de pad, from front to back, from left to right and center, de blood just full yakata.

Take 3-4 pills (200 mg) every 6-8 hours to help commot de pain. Remember say you fit take Ibuprofen before you use misoprostol sef.

After de misoprostol don melt, you fit eat as you like. Dry food (e.g crackers or toast) fit help you if you dey feel like say you wan vomit, while green leaf vegetables, eggs, and red meat fit help recover de minerals wey you lose wen you dey commot de belle.

After de misoprostol don melt, you fit drink any liquid wey you like (except alcohol).

Make you no take alcohol as you dey take treatment so dat de medicine go work well. Alcohol fit also cause uterine bleeding to increase for some cases and make other medicines wey you take to reduce pain or infection to no work well (for women wey dey deal with gbege). De general recommendation be say, make you no take alcohol until you confirm say de abortion don complete and you dey feel well.

Most women go commot de belle within 4 - 5 hours and dem go feel betta in less dan 24 hours. Na normal thing to continue to see small small shikini shikini blood until your next period wey go come in 3 - 4 weeks.

Na normal thing to feel sick, dey shit anyhow, cold dey catch, or to even feel like say your bodi dey hot during dis time. Most women dey report say dem sabi wen de belle commot because de blood kon dey slow down, and dem dey start to dey feel betta.

Some women fit need to do surgery if dem still get belle after dem don take de medicine. Remember say treatment for abortion wey no complete dey available for around de world. You get right to dis kain service, even if abortion dey legally restricted for your country.

Di names wey dem mention