گولیاں استعمال کرنے سے پہلے، گولی استعمال کرنے سے پہلے کے بارے میں ہمارا مشوره پڑھیں۔ یقینی بنائیں
اسقاط حمل کی گولی کیسے استعمال کریں
میفیپرسٹون اور میزوپرسٹول کے ذریعہ اسقاط حمل کے متعلق ہدایات
شروعات سے قبل، گولی استعمال کرنے سے پہلے : گولی استعمال کرنے سے پہلےہماری ہدایات کو پڑھیں ۔ یقینی کر لیں کہ :
- آپ کا حمل پہلے گیارہ ہفتوں کے اندر ہے (ستتر دن)
- آپ نے ہمارے تمام تحفظات اور عمومی مشوروں کا جائزہ لیا ہے
- ہنگامی صورت حال کے لئے آپ کے پاس ایک منصوبہ ہے۔
- پہلا مرحلہ
- ایک مائفسٹریسٹون ( mifepristone دو سو ایم جی) گولی پانی کے ساتھ نگل لیں۔
- دوسرا مرحلہ
- آپ کو چاہئے کے آپ چوبیس سے اڑتالیس گھنٹے تک انتظار کریں۔ میسوپروسٹول (misoprostol) استعمال کرنے سے پہلے آپ کوچوبیس گھنٹے انتظار کرنا چاہئے ، لیکن اڑتالیس گھنٹے سے زیادہ انتظار نہیں ۔ جب آپ انتظار کر رہے ہوتوآپ صرف وہی کام کریں جو آپ اپنی روزمرہ کی زندگی میں عام طور پر کرتے ہیں جیسے اپنے کنبہ کی دیکھ بھال کرنا یا نوکری یا اسکول پر جانا۔
- تیسرا مرحلہ
- اپنی زبان کے نیچے چار مسروپروسٹول (Misoprostol) گولیاں (ہر ایک میں دو سو ایم جی) رکھیں۔ انہیں تیس منٹ تک اپنی زبان کے نیچے رکھیں۔ یہ آپ کا منھ سکھا سکتی ہیں یا گھلنے پر چاک جیسی محسوس ہو سکتی ہیں۔ تیس منٹ تک کچھ بھی نہ کھائیں نہ پئیں۔ تیس منٹ کے بعد پانی سے کلی کر یں اور جو کچھ بھی منھ میں بچا ہے اسے نگل لیجئے۔
- اگر اس حالت میں کہ میسوپروسٹول (misoprostol) آپ کی زبان کے نیچے ہو اور تیس منٹ کے دوران اآپ کو الٹی ہو جائے، تو اس دوا کا اثر نہیں ہوگا۔ یہ ضروری ہے کہ ایسی حالت میں تیسرا مرحلے کو دوبارہ کیا جائے۔ اگر زبان کے نیچے گولی رکھنے کے تیس بعد آپ کو الٹی ہوتی ہے، تو اس مرحلے کو دوبارہ کرنے کی ضرورت نہیں ہے، کیونکہ گولی آپ کے سسٹم میں جذب ہو چکی ہے۔
- میسوپروسٹول (misoprostol) کی چار گولیوں کے استعمال کے تین گھنٹے کے اندر خون بہنا شروع ہو جانا چاہئے۔یہ بہائو آپ کے معمول کے ماہواری سے ملتا جلتا یا زیادہ ہونا چاہئے۔ یہ اس بات کی علامت ہے کہ اسقاط حمل کام کر رہا ہے.
- تین گھنٹے کے انتظار کے بعد ، نو سے گیارہ ہفتوں کی حاملہ سبھی خواتین کو مرحلہ چار کی جانب پیش قدمی کرنی چاہئے۔ اگر آپ نو ہفتوں کی حاملہ ہیں اور تیسرے مرحلے کے بعد آپ کے خون کا بہائو بالکل بھی نہیں یا بہت کم ہوا ہے تو ، مرحلہ چار کو مکمل کیجئے۔اگر آپ نو ہفتوں سے کم مدت کی حاملہ ہیں اور مرحلہ ایک سے تین کے بعد آپ کے ماہواری کی طرح (یازیادہ) خون بہتا ہے تو آپ کو اگلے مرحلہ کی جانب پیش رفت کرنے کی ضرورت نہیں ہے آپ کا عمل مکمل ہو چکا ہے۔
- چوتھا مرحلہ
- ۔ اگر آپ نو سے گیارہ ہفتوں کی حاملہ ہیں یا مرحلہ تین کے بعد آپ کے بالکل کم یا بالکل بھی خون نہیں بہا ہے تو ،میزوپرسٹول چار گولیاں (دو سو ایم جی کی ہر ایک) زبان کے نیچے رکھئے۔ انہیں زبان کے نیچے تیس منٹ تک رکھیں۔ یہ آپ کا منھ سکھا سکتی ہیں یا گھلنے پر چاک جیسی محسوس ہو سکتی ہیں۔ تیس منٹ تک کچھ بھی نہ کھائیں نہ پئیں۔ تیس منٹ کے بعد پانی سے کلی کر یں اور جو کچھ بھی منھ میں بچا ہے اسے نگل لیجئے۔
- اگر تین گھنٹے گزرنے کے بعد بھی آپ کے بہت کم یا بالکل بھی خون نہیں بہتا ہے تو ، ہمارے دوستوں سے www.safe2choose.org, www.womenhelp.org or www.womenonweb.org پر مدد کے لئے رابطہ کیجئے۔جب تک ایک تربیت یافتہ شخص حالات کا جائیزہ نہ لے لے تب تک ہم مزید گولیاں کھانے کی صلاح نہیں دیں گے۔
مائپیپریسٹون (Mifepristone) اور میسوپروسٹول (misoprostol) کےذریعہ اسقاط حمل سے متعلق مزید احتیاط.
مائپیپریسٹون (Mifepristone) اور میسوپروسٹول (misoprostol) کےکھانے کے بعد کیا ہو سکتا ہے اس کے بارے میں جانئے۔ یہاں
اگر آپ کو درد محسوس ہوتا ہے تو ، درد سے نمٹنے کے لئے آئی بوپروفین (ibuprofen) ایک اچھی دوا ہے۔ آپ زیادہ تر ممالک میں کاؤنٹر سے(نسخے کے بغیر) دو سو ایم جی کی آئی بوپروفین (ibuprofen) خرید سکتے ہیں۔ ہر چھ سے آٹھ گھنٹوں میں تین سے چار گولیاں (دو سو ایم جی ہر ایک) لیں۔ اگر آپ کو درد سے نجات کے لئے کسی اضافی چیز کی ضرورت ہو تو ، آپ ہر چھ سے آٹھ گھنٹے میں ٹیلنول (تین سو پچیس ایم جی) کی دو گولیوں کا بھی استعمال کرسکتے ہیں۔
اگر آپ اسقاط حمل کی گولیاں میفیپرسٹون اور میزوپروسٹول استعمال کرتے ہیں تو ، آپ کو ممکنہ طور پر فالو اپ وزٹ کے لئے صحت کی دیکھ بھال فراہم کرنے والے سے ملنے کی ضرورت نہیں ہے۔ یہ دوائیں اتنی موثر ہیں کہ عالمی ادارہ صحت تجویز کرتا ہے کہ آپ کو صرف اسی صورت میں پیروی کرنے کی ضرورت ہے جب :
- آپ بیمار محسوس کر رہی ہیں یا دو سے تین دن گزر جانے کے بعد بھی درد ٹھیک نہیں ہوا ہے۔ اگر ایسا ہوتا ہے تو فوراً میڈیکل امداد لیجئے۔
- اسقاط حمل کی گولیاں کھانے کے دو ہفتے بعد بھی آپ کو حمل کے علامات نظر آتے ہیں۔
- خون کا بہائو بہت زیادہ ہے اور دو ہفتہ بعد بھی کم نہیں ہو رہا ہے۔
صرف میزوپروسول کے ذریعہ اسقاط حمل کی ہدایات
شروعات سے قبل، گولی استعمال کرنے سے پہلے : گولی استعمال کرنے سے پہلےہماری ہدایات کو پڑھیں ۔ یقینی کر لیں کہ :
- آپ کا حمل پہلے گیارہ ہفتوں کے اندر ہے (ستتر دن)
- آپ نے ہمارے تمام تحفظات اور عمومی مشوروں کا جائزہ لیا ہے
- ہنگامی صورت حال کے لئے آپ کے پاس ایک منصوبہ ہے۔
- پہلا مرحلہ
- میسوپروسٹول (misoprostol) کی چار گولیاں (دو سو ایم جی کی ہر ایک) زبان کے نیچے رکھئے۔ انہیں زبان کے نیچے تیس منٹ تک رکھیں۔ یہ آپ کا منھ سکھا سکتی ہیں یا گھلنے پر چاک جیسی محسوس ہو سکتی ہیں۔ تیس منٹ تک کچھ بھی نہ کھائیں نہ پئیں۔ تیس منٹ کے بعد پانی سے کلی کر یں اور جو کچھ بھی منھ میں بچا ہے اسے نگل لیجئے۔ دوسرا مرحلہ کی جانب بڑھنے سے قبل چار گھنٹے انتظار کیجئے۔
- اگر اس حالت میں کہ میسوپروسٹول (misoprostol) آپ کی زبان کے نیچے ہو اور تیس منٹ کے دوران اآپ کو الٹی ہو جائے، تو اس دوا کا اثر نہیں ہوگا۔ یہ ضروری ہے کہ ایسی حالت میں پہلا مرحلے کو دوبارہ کیا جائے۔ اگر زبان کے نیچے گولی رکھنے کے تیس منٹ بعد آپ کو الٹی ہوی ہے، تو اس مرحلے کو دوبارہ کرنے کی ضرورت نہیں ہے، کیونکہ گولی آپ کے سسٹم میں جذب ہو چکی ہے۔
- میسوپروسٹول (misoprostol) کی گولیوں کے استعمال کے - تین سے چار گھنٹے کے اندر خون بہنا شروع ہو جانا چاہئے۔یہ بہائو آپ کے معمول کے ماہواری سے ملتا جلتا یا زیادہ ہونا چاہئے۔ یہ اس بات کی علامت ہے کہ اسقاط حمل کام کر رہا ہے۔
- دوسرا مرحلہ
- مزید چار گولیوں کے ساتھ پہلا مرحلہ واپس دوہرائں اور تین سے چار گھنٹے انتظار کیجئے۔
- ۔نو سے گیارہ ہفتوں کی حاملہ سبھی خواتین کو مرحلہ تین کی جانب پیش قدمی کرنی چاہئے۔ اگر آپ نو ہفتوں سے کم کی حاملہ ہیں اور دوسرے مرحلے کے بعد آپ کے خون کا بہائو بالکل بھی نہیں یا بہت کم ہوا ہے تو ، مرحلہ تین کو مکمل کیجئے۔ اگر آپ نو ماہ سے کم مدت کی حاملہ ہیں اور مرحلہ ایک سے دو کے بعد آپ کے ماہواری کی طرح (یازیادہ) خون بہتا ہے تو آپ کو اگلے مرحلہ کی جانب پیش رفت کرنے کی ضرورت نہیں ہے آپ کا عمل مکمل ہو چکا ہے۔
- تیسرا مرحلہ : (صرف اگر آپ نو سے گیارہ ہفتوں کی حاملہ ہیں، اور ایک سے دومرحلہ کے بعد بہت کم یا بالکل بھی خون نہیں بہا ہے تو) :
- پہلا مرحلہے کو دوبارہ چار گولیوں کے ساتھ کیجئے۔
- اگر آپ نے سبھی بارہ گولیاں کھا لیں ہیں اور اس کے بعد بھی آپ کے بہت کم یا بالکل بھی خون نہیں بہتا ہے/اینٹھن نہیں ہوتی ہے تو ، ہمارے دوستوں سے www.safe2choose.org, www.womenhelp.org or www.womenonweb.org پر مدد کے لئے رابطہ کیجئے۔جب تک ایک تربیت یافتہ شخص حالات کا جائیزہ نہ لے لے تب تک ہم مزید گولیاں کھانے کی صلاح نہیں دیں گے۔
میزوپرسٹول کے ذریعہ اسقاط حمل سے متعلق مزید احتیاط
میزوپرسٹول کھانے کے بعد کیا ہو سکتا ہے اس کے بارے میں جانئے۔ یہاں
اگر آپ کو درد محسوس ہوتا ہے تو ، درد سے نمٹنے کے لئے آئی بوپروفین (ibuprofen) ایک اچھی دوا ہے۔ آپ زیادہ تر ممالک میں کاؤنٹر سے(نسخے کے بغیر) دو سو ملی گرام کی آئی بوپروفین (ibuprofen) خرید سکتے ہیں۔ ہر چھ سے آٹھ گھنٹوں میں تین سے چار گولیاں (دو سو ملیگرام ہر ایک) لیں۔ اگر آپ کو درد سے نجات کے لئے کسی اضافی چیز کی ضرورت ہو تو ، آپ ہر چھ سے آٹھ گھنٹے میں ٹیلنول (Tylenol) (تین سو پچیس ملی گرام) کی دو گولیوں کا بھی استعمال کرسکتے ہیں۔
اگر آپ اسقاط حمل کی گولی میزوپروسٹول استعمال کرتے ہیں تو ، آپ کو ممکنہ طور پر فالو اپ وزٹ کے لئے صحت کی دیکھ بھال فراہم کرنے والے سے ملنے کی ضرورت نہیں ہے۔ یہ دوائیں اتنی موثر ہیں کہ عالمی ادارہ صحت تجویز کرتا ہے کہ آپ کو صرف اسی صورت میں پیروی کرنے کی ضرورت ہے جب :
- آپ بیمار محسوس کر رہی ہیں یا -دو سے تین دن گزر جانے کے بعد بھی درد ٹھیک نہیں ہوا ہے۔ اگر ایسا ہوتا ہے تو فوراً طبی امداد لیجئے۔
- اسقاط حمل کی گولیاں کھانے کے دو ہفتے بعد بھی آپ کو حمل کے امکانات نظر آتے ہیں.
- خون کا بہائو بہت زیادہ ہے اور دو ہفتہ بعد بھی کم نہیں ہو رہا ہے۔
References:
- "Safe abortion: technical and policy guidance for health systems." World Health Organization. https://apps.who.int/iris/bitstream/handle/10665/70914/;jsessionid=B7AEEBE4F34809D869F73B1ABA7F6221?sequence=1
- "Clinical updates in reproductive health." Ipas. https://ipas.azureedge.net/files/CURHE19-april-ClinicalUpdatesInReproductiveHealth.pdf
- "Providing medical abortion in low-resource settings: An introductory guidebook. Second edition." Gynuity. https://gynuity.org/assets/resources/clinguide_maguide2nd_edition_en.pdf
- "Clinical policy guidelines for abortion care." National Abortion Federation (NAF). https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2018_CPGs.pdf