How To Use De Medicine

Two types of medical abortion dey. Two of dem dey work well well:

Instruction for Abortion with Mifepristone and Misoprostol

Before you start, go read our advice for Before You Use De Medicine. De sure say:

  • Your belle neva reach 11 weeks (77 days)
  • You don reason all de matter wey we yarn and de general advice wey we give
  • You get back up plan in case you get emergency
Step 1:
swallow one Mifepristone (200 mg) with water.
Step 2:
Wait 24-48 hours. You go gas wait for like 24 hours before you use de Misoprostol, but no wait pass 48 hours o. wen you dey wait, just dey do things wey you dey do every day, like make you go work, take care of your family or go school.
Step 3:
Put 4 Misoprostol medicine (200 mcg each0 under your tongue. Hold dem there for 30 minutes. Dem fit make your mouth dry or taste like chalk as dem dey melt. No eat or drink anything for dat 30 minutes. After 30 minutes, rinse your mouth with water and swallow am. E mean say you don swallow any of de medicine wey fit remain for inside your mouth.
If you vomit inside de 30 minutes wey you put de Misoprostol under your tongue, e dey very possible say dem no go work. If na so, you go need to do step 3 again sharp sharp. If you vomit after you don put de medicine for under your tongue for 3o minutes, you no need to do am again as de medicine go don enter your bodi well well.
you suppose start to dey see blood inside 3 hours after you don take de 4 Misoprostol medicine. De blood suppose resemble or plenti pass your normal period. Dis na sign say de abortion dey work.
After you don wait for 3 hours, all women wey dia belle still dey between 9-11 weeks, make dem go do step 4. If your belle dey under 9 weeks, and you see small or no blood after you don do step 3, go do step 4. If your belle dey under 9 weeks and de blood wey you see be like your period (or more sef) after step 1, 2, 3, you no need to continue to de next step as de belle fit don commot already.
Step 4:
If your belle dey between 9-11 week or you see small or no blood 3 hours after step 3, put 4 Misoprostol medicine (200 mcg each) under your tongue. Hold dem under your tongue for 30 minutes. After 30 minutes, rinse your mouth with water and swallow am. Any medicine we remain inside your mouth, you go don swallow am.
If 3 hours pass and you still no see blood or only small blood, contact our friend at www.safe2choose.org, www.womenhelp.org or www.womenonweb.org for support. We no advise say make you use any more medicine until person wey dem train don look into your matter.

Other things to reason about abortion with Mifepristone and Misoprotol:

Know wetin to expect after you don take Mifepristone + Misoprostol here.

If you dey feel serius belle pain, Ibuprofen na good medicine to help you with de pain. You fit buy Ibuprofen 200 mg for where dem dey sell medicine (with no prescription) for most country. Take 3-4 medicine (200 mg each) every 6-8 hours. If you need something extra to relief your pain, you fit use 2 Tylenol medicine (325 mg) every 6-8 hours.

If you use Mifepristone and Misoprostol abortion medicine, you fit need to go see your health care people. De medicine dey work well well wey be say World Health Organization talk say you go need to go see your healthcare people only if:

  • You feel sick, or de pain wey you dey feel no get betta after 2 or 3 days. If dis happen, waka go meet your health care people sharp sharp.
  • You still feel de sign say belle still dey your bodi 2 weeks after you don take de abortion medicine.
  • De blood wey you dey see plenti and e no dey reduce after 2 weeks.

Instruction for Abortion with only Misoprostol

Before you start, go read our advice for Before You Use De Medicine. De sure say:

  • Your belle neva reach 11 weeks (77 days)
  • You don reason all de matter wey we yarn and de general advice wey we give
  • You get back up plan in case you get emergency
Step 1:
Put 4 Misoprostol medicine (200 mcg each) under your tongue. Hold dem there for 30 minutes. Dem fit make your mouth dry or taste like chalk as dem dey melt. No eat or drink anything for dat 30 minutes. After 30 minutes, rinse your mouth with water and swallow am. E mean say you don swallow any of de medicine wey fit remain for inside your mouth. Wait 4 hours before you go do step 2.
If you vomit inside de 30 minutes wey you put de Misoprostol under your tongue, e dey very possible say dem no go work. If na so, you go need to do step 1 again sharp sharp. If you vomit after you don put de medicine for under your tongue for 3o minutes, you no need to do am again as de medicine go don enter your bodi well well.
You suppose start to dey see blood inside 3 hours after you don take de 4 Misoprostol medicine. De blood suppose resemble or plenti pass your normal period. Dis na sign say de abortion dey work.
Step 2:
Do step 1 again with anoda 4 medicine, wait for 3 hours.
All women wey dia belle still dey between 9-11 weeks, make dem go do step 4. If your belle dey under 9 weeks, and you see small or no blood after you don do step 2, go do step 3. If your belle dey under 9 weeks and de blood wey you see be like your period (or more sef) after step 1, 2, 3, you no need to continue to de next step as de belle fit don commot already.
Step 3 (Only if your belle dey between 9-11 week or you see small or no blood after step 1-2):
Do step 1 again with anoda 4 medicine.
If you don use all 12 medicine and you still no see blood or only small blood, contact our friend at www.safe2choose.org, www.womenhelp.org or www.womenonweb.org for support. We no advise say make you use any more medicine until person wey dem train don look into your matter.

Other things to reason about abortion with Misoprotol:

Know wetin to expect after you don take Misoprostol here.

If you dey feel serious belle pain, Ibuprofen na good medicine to help you with de pain. You fit buy Ibuprofen 200 mg for where dem dey sell medicine (with no prescription) for most country. Take 3-4 medicine (200 mg each) every 6-8 hours. If you need something extra to relief your pain, you fit use 2 Tylenol medicine (325 mg) every 6-8 hours.

If you use Misoprostol abortion medicine, you fit need to go see your health care people. De medicine dey work well well wey be say World Health Organization talk say you go need to go see your healthcare people only if:

  • You feel sick, or de pain wey you dey feel no get betta after 2 or 3 days. If dis happen, waka go meet your health care people sharp sharp.
  • You still feel de sign say belle still dey your bodi 2 weeks after you don take de abortion medicine.
  • De blood wey you dey see plenti and e no dey reduce after 2 weeks.

Di pipo wey write am

All di things wey dem show for dis website na di HowToUseAbortionPill.org team write am e dey obey di standards and protocols wey come from di National Abortion Federation, Ipas, di World Health Organization, DKT, International and Carafem

Di National Abortion Federation (NAF) na di professional association wey dey provide abortion in North America, dey be leader for people wey dey bring change for legal abortion right. Di things wey dem write on HowToUseAbortionPill.org dey in support with di 2020 Clinical Policy Guidelines wey NAF release.

Ipas be di only international organization wey focus only on expanding access to safe abortion and contraceptive care. Di things wey dem write for HowToUseAbortionPill.org dey in support with di Clinical Latest information In Reproductive Health for 2019 wey Ipas release.

Di World Health Organization (WHO) na United Nations dedicated agency wey dey responsible for international public health. Di things wey dem write for HowToUseAbortionPill.org dey in support with di 2012 safe abortion technical and policy guidance for health system wey WHO release.

DKT International na di registered, non-profit organization wey dey opened in 1989 make e focus di power of social marketing on some of di largest countries wey need family planning, HIV/AIDS prevention and safe abortion pass.

Carafem na clinic network wey dey provide professional abortion care and family planning wey dey convenient so people fit control and spaced di number of children wey dem wan get.

Where dem talk dis kain thing:

This website may require anonymous cookies and various third party services to function properly. You can read our Terms & Conditions and Privacy Policies. By continuing to use this site you are giving us your consent to do this.