Utoaji Mimba kwa Matibabu kwa Vidonge Kati ya Wiki 10-13 za Ujauzito

Ndio, vidonge vya kutoa mimba vinaweza kutumika salama kati ya wiki ya 10 hadi 13 za ujauzito.

Utahitaji kuchukua mifepristone, kisha dozi mbili za misoprostol (800 mcg kila moja, kwa tofauti ya saa nne). Kutokwa na damu kunaweza kuwa nyingi zaidi, na tishu zinazotoka zinaweza kuonekana zaidi. Matatizo ni nadra lakini ni ya kawaida kidogo kuliko mimba za awali.

Kwenye ukurasa huu tunaeleza mambo unayopaswa kuzingatia.

Unapotumia mifepristone na misoprostol kwa pamoja, mimba nyingi zenye umri wa hadi
wiki tisa zinaweza kutolewa kwa dozi moja tu ya misoprostol. Hata hivyo,
kwa ujauzito wenye kati ya wiki 9 na 13, inashauriwa kutumia dozi ya ziada ya
vidonge vinne vya misoprostol baada ya saa nne ili kuhakikisha utoaji mimba
unafanikiwa.

Unapotumia misoprostol pekee, inashauriwa utumie vidonge vyote 12, hata
kama utaanza kuona damu kabla ya kuzitumia zote.

Pregnancies between 10-13 weeks

Je, ni salama kufanya uavyaji mimba kwa dawa kati ya wiki ya 10 hadi 13?

Utoaji mimba kwa kutumia vidonge katika hatua za awali za ujauzito huwa na uwezekano
mdogo wa kusababisha madhara. Hatari ya kupata matatizo, ikama vile tatizo la utoaji
mimba kuto kamilika, huongezeka kadri ujauzito unavyoendelea kukua. Kwa mfano,
ujauzito wa chini ya wiki tisa una kiwango cha matatizo cha chini ya 1%, ilhali
ujauzito wa kati ya wiki 10–13 una kiwango cha matatizo cha hadi 3%.

Nitaona nini wakati wa uavyaji mimba kwa dawa kati ya wiki ya 10 hadi 13?

Utoaji mimba kwa njia ya vidonge hupelekea kutokwa na damu. Damu hii inaweza kuwa
nzito zaidi kuliko hedhi yako ya kawaida na inaweza kuwa na mabonge ya damu. Katika
utoaji mimba kati ya wiki 10–13, unaweza kuona mabaki ya mimba yanayotambulika, au
yanaweza kuonekana tu kama tishu au mabonge ya damu. Hili ni jambo la kawaida na
halipaswi kukutia hofu. Ni ishara kwamba utoaji mimba unafanyika kama inavyotarajiwa.
Kama ilivyo kwa hedhi nzito, unaweza kutupa mabonge makubwa ya damu au tishu kwenye
choo kwa usalama. Ikiwa unaishi katika nchi ambayo utoaji mimba au vidonge vya kutoa
mimba ni haramu, hakikisha unatupa mabaki yoyote yanayotambulika kwa uangalifu na
kwa siri.

Waandishi:

Yote yaliyomo kwenye wavuti hii yameandikwa na timu ya HowToUseAbortionPill.org kwa kufuata viwango na itifaki kutoka Shirikisho la Kitaifa la Utoaji Mimba, Ipas, Shirika la Afya Ulimwenguni, DKT Kimataifa na carafem.

Marejeo: