Baada ya kutumia tembe
I. I. Utajisikiaje baada ya kutumia vidonge vya kutoa mimba?
Utajisikiaje baada ya kutumia vidonge vya kutoa mimba?
Baada ya kutumia tembe: Mifepristone
- Unaweza kutokwa damu kidogo baada ya kumeza mifepristone. Hii ni kawaida!
Baada ya kutumia tembe: Misoprostol
- Maumivu ya tumbo na kutokwa damu ndio matokeo makubwa. Dalili hizi ni nzuri kwa sababu inaonyesha kuwa dawa inafanya kazi. Lakini, ni kwa kiasi gani utapata maumivu ya tumbo na kutokwa na damu?
-
- Kwa wanawake wengine, maumivu ya tumbo ni makali sana – zaidi kuliko maumivu wakati wa hedhi (kama unapata maumivu ya tumbo wakati wa hedhi).
- Kwa wanawake wengine, hutokwa na damu nyingi kuliko inayotoka wakati wa hedhi. Pia ni kawaida kufuja damu masaa machache ya mwanzo baada ya kunywa misoprostol. Wingi wa damu utalingana na umri wa mimba.
- Kwa wanawake wengine, maumivu ni kidogo na damu inayotoka sawa na ile ya wakati wa hedhi.
- Usishtuke ukitokwa na damu zaidi kuliko hedhi ya kawaida. Hii ni kawaida.
- Ukipata maumivu ya tumbo, dawa ya Ibuprofen ni dawa nzuri kupunguza maumivu. Unaweza kununua Ibuprofen ya milligram 200 bila ya karatasi ya dawa kutoka kwa daktari kwenye nchi nyingi. Kunywa vidonge 3-4 kila baada ya masaa 6-8. Hii itakusaidia kupunguza maumivu ya tumbo.
- Unaweza Kula na kukunywa jinis unavyotaka
- Jaribu kupumzika na kutulia mpaka utakapohisi nafuu
- Wanawake wengi huhisi nafuu chini ya masaa ishirini na manne( 24)
Angalizo: Wiki mbili baada ya kutoa mimba, vipimo vitaendelea kuonyesha kua bado una ujauzito hii inatokana na homoni zilizoko ndani ya mwili wako. Kama bado unahisi dalili za ujauzito (maumivu ya matiti, kichefuchefu, uchovu n.k) baada ya kutumia vidonge, muone daktari.
Kuwa mwangalivu?
Wakati mimba inavyotoka, dalili hap juu ni kawaida. Kuwa makini. Chini ni baadhi ya ishara kwamba unaweza kuwa katika hatari ya kupata matatizo makumbwa.
Iwapo utajaza vitamba viwili vya hedhi kwa masaa mawili mfululizo baada ya kudhania kwamba ushaavya mimba, hii ni ishara ya kufuja damu kwa wingi.Unatakiwa kupata msaada wa kitabibu kama unatoka damu nyingi kiasi hiki. Kuloanisha pedi inamaanisha pedi kubwa yote imeloana damu mbele na nyuma, pembeni na pembeni na juu mpaka chini.
Maumivu Makali:Kama unapata maumivu makali sana ambayo hayapungui hata baada ya kunywa dawa ya Ibuprofen, pata msaada wa kitabibu. Maumivu makali sana huenda ikamaanisha umepata matatizo makubwa ya mimba. Maumivu yasiyopungua ambayo hayapungui hata baada ya kunywa dawa ya Ibuprofen inaweza kuwa dalili ya hatari. Tunashauri mwanamke yeyote mwenye mimba nayepata maumivu atafute msaada wa kitabibu.
Unajisikia kuumwa sana?: Unaweza kupata homa, kichefuchefu na kutapika siku ambayo umekunywa misoprostol ambayo ni kitu cha kawaida. Unatakiwa kujisikia nafuu zaidi kila siku baada ya kutumia vidonge vya kutoa mimba, na sio kuumwa. Kama utajisikia kuumwa Zaidi siku yoyote baada ya kumeza misoprostol unahitaji msaada wa kitabibu haraka.