Jinsi ya kutumia tembe

Kuna njia mbili za uaviaji mimba kwa utabibu. Njia zote ni bora kabisa:

Maagizo ya Kuavya Mimba kwa Mifepristone na Misoprostol

Kabla ya kuanza, soma kuhusu ushauri wetu kuhusu Kabla ya Kutumia Tembe. Kuwa hakika

  • Uja uzito wako ni kati ya wiki 11 (Siku 77)
  • Umepitia vigezo vyetu vya kuzingatiwa na ushauri wa jumla
  • Una mpango wa usalama ikiwa kuna dharura
Hatua 1:
Meza mifepristone moja (200 mg) kwa maji
Hatua 2:
Subiri saa 24-48. Unastahili kusubiri saa 24 kabla ya kutumia misoprostol, lakini usisubiri zaidi ya saa 48. Unaposubiri, fanya tu kazi zako za kawaida za kila siku, kama kuchunga familia yako kwenda kazi au shule
Hatua 3:
Weka tembe 4 za misoprostol (200 mcg kila moja) chini ya ulimi wako. Zizuie chini ya ulimi wako kwa dakika 30. Zinaweza kuufanya mdomo wako kuwa mkavu au kuonja chaki zinavyoyeyuka. Usile au kunywa kitu chochote kwa dakika hizi. Baada ya dakika 30, osha mdomo wako kwa maji na umeze kila kitu cha tembe kilichosalia.
Ikiwa utatapika dakika 30 tembe za misoprostol zinapokuwa chini ya ulimi wako, kuna uwezekano kuwa hazitafanya kazi. Katika hali hii, ni lazima kurudia hatua ya tatu mara moja. Ikiwa utatapika baada ya dakika 30 baada ya tembe kuwa chini ya ulimi wako, hakuna haja ya kurudia hatua hiyo, kwa kuwa tembe tayari zimechukuliwa katika mfumo wako.
Unastahili kuanza kuvuja damu kati ya saa 3 baada ya kumeza tembe 4 za misoprostol. Uvujaji damu unastahili kufanana au kuwa mzito kuliko hedhi yako ya kawaida. Hii ni dalili kuwa uaviaji mimba unafanya kazi.
Baada ya saa 3, wanawake wote wenye uja uzito kati ya wiki 9-11 wanastahili kuendelea kwa hatua 4. Ikiwa uko chini ya wiki 9 za uja uzito na ulikuwa na uvujaji damu mdogo au haujavuja damu baada ya kukamilisha hatua 3, endelea kwa hatua 4. Ikiwa uko chini ya wiki 9 za uja uzito na umekuwa na uvujaji damu kama wa hedhi (au zaidi) baada ya hatua 1-3, hauhitaji kuendelea kwa hatua inayofuata kwa sababu mchakato unaweza kukamilika
Hatua 4:
Ikiwa uko na uja uzito wa wiki 9-11 au ulikuwa na uvujaji damu mdogo au haukuwa nao saa 3 baada ya hatua 3, weka tembe 4 za misoprostol ( 200 mcg kila moja) chini ya ulimi wako. Ziache chini ya ulimi kwa dakika 30. Baada ya dakika 30, osha mdomo wako kwa maji na umeze kila kitu cha tembe kilichosalia.
Ikiwa saa 3 zimepita na bado huna au unavuja damu kidogo, wasiliana na marafiki wetu kwenye www.safe2choose.org, www.womenhelp.org au www.womenonweb.org kwa msaada. Hatupendekezi kutumia dawa zozote za ziada hadi hali itathminiwe na mtu anayetoa msaada aliye na mafunzo.

Vigezo Vingine vya Kuzingatiwa Kwa Uaviaji Mimba Kwa Mifepristone Na Misoprostol

Jifunze cha kutarajia baada ya kumeza mifepristone + misoprostol hapa

Ikiwa utashuhudia msokoto mbaya, ibuprofen ni dawa nzuri ya kukabili maumivu. Unaweza kununua ibuprofen yenye nguvu ya 200 mg kutoka kwa duka (bila maelekezo) katika nchi nyingi. Meza tembe 3-4 ( 200 mg kila moja) kila saa 6-8. Ikiwa unahitaji kitu zaidi kwa kuondoa maumivu, unaweza pia kutumia tembe 2 za Tylenol (325 mg) kila saa 6-8

Ikiwa ulitumia tembe za kuavya mimba mifepristone na misoprostol, kuna uwezekano kuwa hauhitaji kutembelea mhudumu katika kituo cha afya kwa kufuatilia. Dawa hizi ni bora kiasi kuwa Shirika la Afya Duniani limezipendekeza kuwa unahitaji kufuatilia ikiwa tu:

  • Unajihisi mgonjwa, au maumivu yako hayapungui baada ya siku 2 au 3. Ikiwa hii itatokea, tafuta ushauri wa kiafya mara moja
  • Bado unahisi dalili za uja uzito wiki mbili baada ya kutumia tembe za kuavya mimba.
  • Uvujaji damu wako ni mzito na haupungui baada ya wiki 2

Maagizo ya Utoaji wa Mimba Na Misoprostol Tu

Kabla ya kuanza, soma kuhusu ushauri wetu kuhusu Kabla ya Kutumia Tembe. Kuwa hakika

  • Uja uzito wako ni kati ya wiki 11 (Siku 77)
  • Umepitia vigezo vyetu vya kuzingatiwa na ushauri wa jumla
  • Una mpango wa usalama ikiwa kuna dharura
Hatua 1:
Weka tembe 4 za misoprostol (200 mcg kila moja) chini ya ulimi wako. Ziache chini ya ulimi wako kwa dakika 30. Zinaweza kuufanya mdomo wako kuwa mkavu au kuonja chaki zinavyoyeyuka. Usile au kunywa kitu chochote kwa dakika 30 hizi. Baada ya dakika 30, osha mdomo kwa maji na umeze kila kitu cha tembe kilichobaki. Subiri saa 4 kabla ya kuendelea kwa hatua 2
Ikiwa utatapika dakika 30 tembe za misoprostol zinapokuwa chini ya ulimi wako, kuna uwezekano kuwa hazitafanya kazi. Katika hali hii, ni muhimu kurudia hatua mara moja. Ikiwa utatapika dakika 30 baada ya misoprostol kuwa chini ya ulimi wako, hakuna haja ya kurudia hatua hiyo, kwa kuwa tembe tayari zimechukuliwa kwa mfumo wako
Uvujaji damu unastahili kuanza saa 3-4 baada ya kutumia tembe za misoprostol. Uvujaji damu unastahili kuwa sawia au mzito kuliko hedhi yako ya kawaida. Hii ni dalili kuwa uaviaji mimba unafanya kazi.
Hatua 2:
Rudia hatua 1 na tembe zingine 4, subiri saa 3
Wanawake wote walio na uja uzito wa kati ya wiki 9-11 wanastahili kuendelea kwa hatua 3. Ikiwa una uja uzito wa chini ya wiki 9 na ulivuja damu kidogo au hukuvuja damu baada ya kukamilisha hatua 2, endelea kwa hatua 3. Ikiwa una uja uzito chini ya wiki 9 na umekuwa na uvujaji damu sawia na hedhi ( au zaidi) baada ya hatua 1-2, hauhitaji kuendelea kwa kwa hatua inayofuata kwa kuwa mchakato unawezekana kukamilika
Hatua 3 ( Ikiwa tu uko na uja uzito wa wiki 9-11, au ulivuja damu kidogo au haukuvuja damu baada ya hatua 1-2):
Rudia hatua 1 na tembe zingine 4
Ikiwa umetumia tembe zote 12 na haujashuhudia au unavuja damu kidogo au msokoto, wasiliana na marafiki wetu kwenye www.safe2choose.org, www.womenhelp.org au www.womenonweb.org kwa usaidizi. Hatupendekezi kutumia tembe zingine zaidi hadi hali imetathminiwa na mtu anayetoa msaada aliye na mafunzo

Vigezo Vingine Vya Kuzingatiwa Kwa Uaviaji Mimba Kwa Misoprostol:

Jifunze cha kutarajia baada ya kumeza misoprostol hapa.

Ikiwa utashuhudia msokoto mbaya, ibuprofen ni dawa nzuri ya kukabili maumivu. Unaweza kununua ibuprofen yenye nguvu ya 200 mg katika duka (bila maelekezo) katika nchi nyingi. Meza tembe 3-4 (200 mg kila moja) kila saa 6-8. Ikiwa utahitaji kitu cha ziada kuondoa maumivu, unaweza pia kutumia tembe 2 za Tylenol (325 mg) kila saa 6-8.

Ikiwa ulitumia misoprostol, inawezekana hauhitaji kutembelea mhudumu wa kiafya kwa kufuatilia. Dawa hizi huwa bora kiasi kuwa Shirika la Afya Duniani limezipendekeza kuwa unahitaji kufuatilia tu ikiwa:

  • Unajihisi mgonjwa, au maumivu yako hayapungui baada ya siku 2 au 3. Ikiwa hii itatokea, tafuta utunzaji wa kiafya mara moja
  • Bado unahisi dalili za uja uzito wiki mbili baada ya kumeza tembe za kuavya mimba
  • Uvujaji damu wako ni mzito na haupungui baada ya wiki 2

References:

This website may require anonymous cookies and various third party services to function properly. You can read our Terms & Conditions and Privacy Policies. By continuing to use this site you are giving us your consent to do this.