Utoaji mimba kwa matibabu

Utoaji mimba kwa matibabu, pia unaojulikana kama kutoa mimba kwa kutumia dawa,hufanyika wakati tembe za kutoa mimba zinatumiwa kuharibu mimba. Unaweza kutumia tembe ya kutoa mimba ya mifepristone pamoja na misoprostol, au misoprostol pekee.Tembe zinaweza kutumiwa kwa kuwekwa ukeni ama chini ya ulimi. Hata hivyo, tunapendekeza ziwekwe chini ya ulimi ili zisigunduliwe.Shirika la Afya Duniani linatambua utoaji mimba wa kimatibabu kama njia ya utunzaji wa kibinafsi ambayo haihitaji usimamizi wa mtoa huduma za afya aliyehitimu. Hii inamaanisha kuwa unaweza kusimamia utoaji mimba wa kimatibabu ukiwa nyumbani mwako. Taratibu ya HowToUseAbortionPill ni kwa ajili ya mimba zisizopita wiki 13.

About Medical Abortion
How it Works Abortion Pills

Namna Tembe ya utoaji mimba kimatibabu Inavyofanya kazi

Dawa zinazotumiwa kwenye tembe za utoaji mimba kimatibabu zinafanya kazi kwa kulegeza na kufungua shingo ya mfuko wa kizazi (kufungua mfuko wa kizazi), na kusababisha mfuko wa kizazi kukaza na kusukuma mimba nje ya kizazi.

Kwa kutumia tembe ya utoaji mimba kimatibabu ya Misoprostol, kwa kawaida katika saa 1 au 2 baada ya vidonge vya kwanza kuingia mwilini mwako, utaanza kuumwa tumbo na damu kutoka. Kwa kawaida mimba itatoka ndani ya masaa 24 baada ya kunywa vidonge vya mwisho vya misoprostol, mara nyingi mimba inatoka kabla ya muda huo.

Una wasiwasi baada ya kutumia tembe za utoaji mimba?

Hapa chini kuna njia kadhaa za kutambua ikiwa umefikia tishu ya mimba baada ya kutumia tembe za kutoa mimba.

  1. Unaweza kutambua vijinyama (tishu) vya mimba kama vitu vinavyofanana kama vile zabibu ndogo nyeusi kidogo na utando mwembamba.
  2. Vijinyama vya mimba pia vinaweza kufanana na kifuko kidogo kilichozungukwa na utando mlaini mweupe.
  3. Kulingana na umri wa mimba, tishu hii inaweza kuwa ndogo kuliko ukucha wako au hadi kufikia ukubwa wa kidole gumba.

Kama unaweza kutambua vijinyama hivyi, ni dalili kuwa utoaji mimba umefanikiwa. Mara nyingi vijinyama vya mimba vinaweza kuwa ndani ya mabonge ya damu. Unaweza usione vijinyama hivyi isipokuwa ukiwa makini sana. Ikiwa utahara kwa ajili ya tembe za utoaji mimba,itakuwa ngumu zaidi kutambua vijinyama vya mimba. Usiwe na wasiwasi ikiwa hili litafanyika,ni madhara ya kawaida.

Marejeo:

HowToUseAbortionPill.org inashirikiana na shirika lisilo la faida lililosajiliwa huko Amerika-501c (3)
HowToUseAbortionPill.org hutoa yaliyomo yaliyokusudiwa kwa sababu ya habari tu na haihusiani na shirika la matibabu.

Powered by Women First Digital