Àwọn Ìbéèrè Oyún ṣíṣẹ́ – Òògùn Ìsẹ́yún FAQs

Rárá, iye òògùn kan náà ni gbogbo ènìyàn máa lo. Ìwádìí fi hàn pé iṣẹ́ òògùn náà ò kan bí èèyàn bá ṣe tóbi tó. O kò nílò òògùn púpọ̀ tàbí ìlànà mìíràn.

Ìlànà kan náà ni ó wà fún oyún ìbejì, o ò ní láti lo òògùn púpọ̀.

Rárá, oyún kọ̀ọ̀kan yàtọ̀ gédégbé sí ara wọn. Kódà kí o ti lò àwọn òògùn ìsẹ́yún rí, nǹkan tí o lò ní àkọ́kọ́ náà ni ó máa lò fún oyún mìíràn tí o fẹ́ ṣẹ́.

Tí ẹ̀rọ ìdènà oyún (èyí tí wọ́n ká tàbí èyí tí ó ní hòmóònù “progesterone” nínú) bá wà nínú ilé ọmọ rẹ, o gbọ́dọ̀ yọ ọ́ kí o tó ṣẹ́yún náà.

O le fun ọmu ni deede nigbati o ba ni iṣẹyun pẹlu awọn oogun. Mifepristone ati misoprostol le wọ inu wara ọmu, ṣugbọn iye wọn kere ati pe ko yẹ ki o fa eyikeyi awọn ipa ẹgbẹ ninu ọmọ naa. Ti o ba tun ni aifọkanbalẹ nipa rẹ, o le fun ọmọ ni ọmu, mu awọn oogun misoprostol, ki o duro fun wakati mẹrin ṣaaju ki o to fun ọyan lẹẹkansi. Ti o ba nilo lati mu iyipo miiran ti awọn oogun misoprostol, fun ọyan lẹẹkansi ṣaaju ki o to mu awọn oogun naa. Sibẹsibẹ, eyi jẹ iyan patapata ati titi di ayanfẹ rẹ.

Tí o bá ní HIV, ríi dájú pé àárẹ̀ ò mú ọ, o sì ń lo òògùn tí ó ń gbógun ti kòkòrò àìfojúrí HIV (antiretroviral) kí o sì wà ní ìlera.

Tí o bá ní anémíà (àìtó áyọ́ọ̀nù nínú ẹ̀jẹ̀), wá elétò ìlera tí ọ̀dọ̀ rẹ̀ ò jìnà ju ọgbọ̀n ìṣẹ́jú sí ọ̀dọ̀ rẹ lọ tí ó sì lè ṣe ìtọ́jú rẹ tí o bá nílò rẹ̀. Tí anémíà rẹ bá lè, gba àṣẹ dókítà kí o tó lo òògùn ìṣẹ́yún.

Rárá, kò sí ewu tí ò bá ti ṣẹ́ oyún náà láìpẹ́ tí o ní i kódà kí o ti bímọ pẹ̀lú iṣẹ́ abẹ rí.

Kò tíì sí àsopọ̀ láàrín mifepristone àti àbùkù ara ọmọ ṣùgbọ́n misoprostol lè mú u ṣẹlẹ̀. Tí o bá lo misoprostol tí oyún náà sì wà lára rẹ, ó ṣeéṣe kí oyún náà wálẹ̀ fúnraàrẹ. Tí oyún náà ò bá sì wálẹ̀ títí àkókò ìbí fi tó, ewu kí ọmọ náà ní àbùkù lára jẹ́ idà kan nínú ọgọ́rùn-ún (1%)

Rárá o, ó léwu láti lo òògùn ìṣẹ́yún nígbà tí ó ṣeéṣe kí oyún náà má wà nínú ilé ọmọ. Nítorí pé o ti ṣe iṣẹ́ abẹ ìsọnidi àláìlèbímọ, apá wà nínú ọ̀nà tí ẹyin ń gbà dé ilé ọmọ, ó súnmọ́ kí ó jẹ pe oun ni ìdí tí oyún tí o ní kẹ́yìn ṣe bọ́ sí inú rẹ̀. Inú ọ̀nà yìí ni àtọ̀ ti máa ń sọ ẹyin di ọmọ. Tí oyún bá ti ń dàgbà, yóò máa lọ sí ilé ọmọ ṣùgbọ́n nítorí pé apá ti wà ní ọ̀nà náà, kò lè ráyè kọjá. Oyún náà ó sì máa dàgbà sí ibi tí ó wà. Bí ó ṣe ń dàgbà síi, inú ọ̀nà tí o wà lè bẹ́, èyí tí ó lè fa kí ẹ̀jẹ̀ máa ya nínú rẹ, ní èyí tí ó léwu. Ó ṣeéṣe kí oyún eléyìí náà má sí nínú ilé ọmọ. Má ṣe dá òògùn oyún ṣíṣẹ́ lò fúnraàrẹ àyàfi tí o bá lo ẹ̀rọ tí ń ya àwòrán inú tí o sì tí rí àrídájú pé inú ilé ọmọ ni oyún náà wà.

Àkọ́kọ́ náà, ó gbọ́dọ̀ mọ̀ pé kì í ṣe ọ̀pọ̀lọpọ̀ ló mọ̀ pé àwọn ní irú oyún báyìí àfi tí wọ́n bá ya àwòrán inú. Oyún inú ọ̀nà yìí léwu débi pé àwọn orílẹ̀-èdè tí òfin ò ti fààyè gba oyún ṣíṣẹ́ gan-an le fi ọwọ́ sí kí wọn ṣẹ oyún yìí.

Gẹgẹ bí ẹni tó ṣe àtúnyàn ìbí tàbí ẹni ti ko ni ìdánimọ̀ ìbí, kò sí ewu tí o bá lo ògùn ìsẹ́yún. Tí o bá ń lo àwọn ògùn homonu ti ọkùnrin, misoprostol tabi mifopristone kò ní dí lọ́wọ́. Òògùn ìsẹ́yún yìí kò ní ewu tí o bá lò ó pẹ̀lú òògùn testosterone (T) àti gonadotrophin ti ọ da homonu (GnRH) àfọwọ́sẹ. Sibẹsibẹ, o lè se alábàápàdé ìjàmbá láti le è lo ètò ìlera oyún ṣíṣẹ́ tó gbá músẹ́. Kọ́ n’ípa ètò oyún ṣíṣẹ́ ni orílè-èdè rẹ.

Ìwádìí fi hàn pé ìsẹ́yún ni ìlànà ìlera jẹ ọ̀kan gbòógì nínú ìgbani níyànjú fún oyún ṣáájú oṣù mẹ́tàlá sígbà tí o bá ṣe ǹ kan oṣù. Àwọn ìlànà tí HowToUseAbortionPill wà fún àwọn tí oyún wọn wà láàrin ọ̀sẹ̀ 13. A sì le lò ogún ìsẹ́yún fún oyún ti ọ ti jù ìgbà náà ló àmọ́ oríṣiríṣi ìtọ́sọ́nà àti àyẹwò ni a máa wo kí ó ma bà sì ewu. Fún àlàyé lẹkunrẹrẹ, ọ le kan sí àwọn ọrẹ wa ni orí ẹ̀rọ ayélujára www.womenonweb.org tabi ki ọ lọ sí apá profili orilẹ-ede wa láti lè mọ nipa awọn èròjà oyún sise ni ìlú rẹ.

Òògùn ìsẹ́yún kò ní ewu rárá, ọ sí tún dára tí a bá lò ó dáadáa. Oyún tí a lo mifopristone tàbí misoprostol máa sisẹ́ ni igba 95 tí a bá lò ó, tí àwọn ìdojúkọ rẹ̀ sí kéré ju ìdá igba 1 fún oyún ọsẹ nínú 10 ati idà 3 fún oyún ọsẹ 10 sí 13. Tí a bá lo misoprostol nikan, ọ ma n sise to igba 80 tabi 85 pẹlú ìdojúkọ igba ẹyọ kan 1 sí 4 fún oyún ọsẹ 13. Gẹgẹ bí àwọn àjọ onímọ̀ ìjìnlè ti Agbaye lórí eto ìlera World Health Organization, oyún ṣíṣẹ́ pẹ̀lú òògùn ma ń ṣíṣẹ́ pupọ ti kò sí mú ewu dání ní wọn ìgbà tí o bá dá a lò ni ilé ti ọ sí ni ànfàní láti ri àwọn àlàyé tí ó dá mú ṣẹ lórí rẹ pẹlú àwọn òògùn òní iyebíye.

Oríṣi òògùn ìṣẹ́yún méjì ni ó wà, tí ọ̀kọ̀ọ̀kan sì ń ṣiṣẹ́ ní ìlànà ọ̀tọ̀ọ̀tọ̀. Mifepristone máa ń dá ìpèsè hòmóònù tí ó máa ń mú oyún dàgbà dúró. Àwọn èròjà inú misoprostol sì máa ń ṣí àti de ẹnu ọ̀nà ilé ọmọ ní sísẹ̀ntẹ̀lé, a sì máa fún ilé ọmọ pọ̀, èyí tí yóò ti oyún náà jáde.

Misoprostol máa ń fún ilé ọmọ pọ̀ tí oyún náà yóò fi jáde.

Mifepristone máa ń dènà hòmóònù tí ó máa ń jẹ́ kí oyún dàgbà.

Bẹ́ẹ̀ni, o lè lo misoprostol nílé láìsí ewu. Tí o bá lò ó, gbìyànjú kí o wà níbi tí èrò kò pọ̀ sí (bí ilé rẹ) tí o sì lè fẹ̀gbẹ́ lélẹ̀ fún wákàtí díẹ̀ lẹ́yìn tí o bá lò ó tán. Yóò dára tí ẹnìkan bá wà pẹ̀lú rẹ tí ó lè tọ́jú rẹ, tí ò sì lè po tíì gbígbóná tàbí bá ọ wá nǹkan láti jẹ.

Má ṣe mu tàbí jẹ ohunkóhun láàrin ọgbọ̀n ìṣẹ́jú tí o bá lo misoprostol kí òògùn náà fi túká. Lẹ́yìn ọgbọ̀n ìṣẹ́jú, o lè mu omi láti ṣan òògùn tí ó bá kù ní ẹnu rẹ nu kí o lè gbé e mi àti láti stay hydrated.

Bẹẹni, o le mu omi lati ṣe iranlọwọ fun ọ lati gbe mì mifepristone.

Àwọn ọnà méjì ló wà láti lo misoprostol: Fífi sí ojú ara rẹ tàbí labẹ ahọn rẹ (sublingually). HowToUseAbortionPill ṣe ìmọ̀ràn pé o lè lo misoprostol nikan lábẹ́ ahọ́n rẹ nítorí pe ó bo àṣírí diẹ sii (àwọn òògùn naa túká kíákíá àti pé kò fi àwọn àmì ti o han silẹ si ara rẹ) àti pé ó ní eewu kékeré tó jọ mọ àkóràn.

Méjèèjì: Lílo misoprostol nìkan àti lílo ó pẹ̀lú mifepristone ni ó máa ń ṣiṣẹ́ dáadáa. Ṣùgbọ́n tí o bá wà, tí agbára rẹ sì káa, mifepristone àti misoprostol ni kí o lò.

Oyún méjìdínlọ́gọ́rùn ún nínú ọgọ́rùn-ún (98%) yóò wálẹ̀ pẹ̀lú àlòpọ mifepristone àti misoprostol nígbà tí misoprostol nìkan máa ń mú oyún márùnlélàádọ́rùn ún wálẹ̀.

Mifepristone àti misoprostol a máa ṣiṣẹ́ papọ̀ nítorí pé ó má ń ṣısẹ́ gan tí o bá lò wọ́n pọ̀. Mifepristone má ń dènà ìdàgbà oyún. Èròjà tí ó wà nínú misoprostol máa ń ṣí àti tí ẹnu ọ̀nà ilé ọmọ, èyí tí yóò mú kí ilé ọmọ fún pọ̀ tí oyún náà yóò sì jáde.

Tí ó bá lo misoprostol lábẹ́ ahọ́n, kò sí ẹnikẹ́ni tí ó máa mọ̀ pé o lo òògùn ìṣẹ́yún nítorí pé o máa gbé e mì lẹ́yìn ọgbọ̀n 30 ìṣẹ́jú.O sì lè sọ fún ẹnikẹ́ni tí ó bá béèrè pé oyún náà wálẹ̀ fúnraàrẹ ni. Tí o bá lo misoprostol ní ojú ara, ara ohun tí wọ́n fi pèèlò rẹ̀ lè lò tó ọjọ́ kan tàbí méjì kí ó tó tú tán. Elétò ìlera sì lè rí nǹkan funfun ni ojú ara rẹ tí o bá nílò ìtọ́jú pàjáwìrì láàrín wákàtí méjìdínlàádọ́ta 48 tí o bá lò ó. Ìdí nìyí tí HowToUseAbortionPill fi gbà ọ́ nímọ̀ràn pé kí o lo òògùn náà ní abẹ́ ahọ́n dípò ojú ara.

Tí àgọ́ ara rẹ kò bá bá NSAIDs mu (pẹlú Ibuprofen), o lè lo acetaminophen (Tylenol tàbí paracetamol) gẹ́gẹ́ bí ogún ìrora dípò ìyẹn. Ó má ń wà ní ilé ìtajà ògùn ní oríṣiríṣi orílẹ̀-ède. Lo ẹyọ 2 (ẹyọ 325 mg) ní wákàtí 4 sí 6 gẹgẹ́ bí o ṣe ní lò ẹ fún ìrora. Iye ẹyọ tí ó pọ̀jù tí o le lò láàrin wákàtí 24 ni 4000mg.

Má ṣe lo òògùn ìṣẹ́yún ní ilé nípa tí tẹ lé ìlànà HowToUseAbortionPill tí oyún rẹ bá ti ju ọsẹ̀ 13 lọ; tí mifepristone tàbí misoprostol bá jẹ́ èèwọ̀ ara rẹ; tí ìlera rẹ ò bá péye tó, tí o bá ní ìṣòro ẹ̀jẹ̀ dídì tàbí tí o bá rò tàbi mọ̀ pé inú ilé ọmọ rẹ kọ́ ni oyún náà wà.

Ìrírí oyún ṣíṣẹ́ ma ń yàtọ. Ìwọ́ le ní inú rírun tí ó le gidigidi pẹ̀lú ẹ̀jẹ̀ tó pọ̀ yàtọ̀ sí ẹ̀jẹ̀ ìgbà n kan oṣù obìnrin (Tí ò bá má ń ni inú rirun nígbà nkan oṣù ẹ). Àmọ́, kò sí ewu rárá tí inú rirun yẹn kò bá pọ̀jù tí ẹ̀jẹ̀ na dàbí ìgbà nkan oṣù rẹ. Àwọn nkan tó tún le ṣẹlẹ̀ ni èébì, ìgbẹ́ gbuuru, ibà, àti orí fífọ́. Amò, lẹyìn wákàtí 24, ó yẹ kí ara rẹ ti balẹ̀. Tí o bá bẹ̀rẹ̀ sí ní sàárẹ̀ jù, súré kí o lọ gba ìtọjú tó péye ni ilé ìwòsàn.

Fún àwọn kan, ìnira inú rírun a máa pọ̀ ju ti nǹkan oṣù lọ (fún ẹni tí inú rẹ̀ bá máa ń fúnpọ̀ nígbà nǹkan oṣù), ẹ̀jẹ̀ tí ó máa ń yọ náà sì máa ń pọ̀ ju ti nǹkan oṣù lọ. Ẹ̀jẹ̀ dídì tí ó tóbi tó ọsàn náà lè jáde lẹ́yìn wákàtí díẹ̀ tí o bá lo misoprostol. Fún àwọn mìíràn, ìrora inú fífúnpọ̀ yìí kò ní ga jara lọ, ẹ̀jẹ̀ náà ò sì ní ju ti nǹkan oṣù lọ.

Kàn sí elétò ààbò tí ẹ̀jẹ̀ ò bá jáde rárá tàbí kò pọ́, tí ìrora púpọ̀ (pàápàá ní èjìká ọ̀tún) tí apá ibuprofen ò ká bá tẹ̀lé e. Eléyìí lè jẹ́ àpẹẹrẹ oyún tí kò sí nínú ilé ọmọ. Bí ó tilẹ̀ jẹ́ pé kò wọ́pọ̀, ó léwu gan-an. O lè kàn sí àwọn ọ̀rẹ́ wa ní www.safe2choose.org láti bá akọ́ṣẹ́mọṣẹ olùgbaninímọ̀ràn nípa oyún ṣíṣẹ́ tí o bá rò pé oyún náà ò tíì wálẹ̀.

Béèrè fún ìtọ́jú tí ẹ̀jẹ̀ bá kún páàdì méjì fọ́nfọ́n láàrin wákàtí kan fún wákàtí méjì léraléra lẹ́yìn tí o lérò pé oyún náà ti wálẹ̀. Kíkún páàdì náà túmọ̀ sí pé ẹ̀jẹ̀ kún un láti iwájú dé ẹ̀yìn, ẹ̀gbẹ́ sí ẹ̀gbẹ́, àti wọnú.

Lo ibuprofen mẹ́ta 3 sí mẹ́rin 4 (ọ̀kọ̀ọ̀kan 200mg) ní wákàtí 6 mẹ́fà mẹ́fà tàbí 8 mẹ́jọ mẹ́jọ sí ara wọn láti dín ìnira kù. Rántí pé o sì lè lo ibuprofen kí o tó lo misoprostol.

Lẹ́yìn tí misoprostol bá túká tán, o lè jẹun bí ó ṣe wù ọ́. Àwọn oúnjẹ tí kò oómi (bíi bisikíítì gbígbẹ àti tósìtì) máa ń dín inú rírun kù. Ẹ̀fọ́, ẹyin, ẹran (àwọn ẹran tí ó máa ń pupa tí a bá ṣe é tán) máa ń dá àwọn ohun tí ó ti bá ẹ̀jẹ̀ lọ padà sínú ara.

Lẹ́yìn tí misoprostol bá túká, o lè mu nǹkan olómi tí ó bá wù ọ́ (yàtọ̀ sí ọtí).

Yẹra fún ọtí mímú ní àkókò oyún ṣíṣẹ́ yìí kí òògùn náà ba à lè ṣiṣẹ́ bí ó ṣe yẹ. Ọtí mímú lè mú kí ẹ̀jẹ̀ máa dà síi, ó sì tún lè ṣe ìdíwọ fún iṣẹ́ àwọn òògùn tí ó máa ń dín ìrora kù àti àwọn tí ó ń dènà àkóràn (fún àwọn tí ó ní ìṣòro kan tàbí ìkejì). Ní àkótán, a gbà ọ ní ìyànjú kí o yẹra fún ọtí títí yóò fi dá ọ lójú pé oyún náà ti wálẹ̀ tí o sì wà ní àlàáfíà.

Ọ̀pọ̀lọpọ̀ èèyàn ni oyún wọn máa ń wálẹ̀ láàrín wákàtí mẹ́rin 4 sí márùn-ún 5 tí ara yóò sì bọ́ sípò láàrin wákàtí mẹ́rìnlélógún 24. Kò sì sí aburú nínú kí ẹ̀jẹ̀ díẹ̀ díẹ̀ máa yọ tàbí kán títí o ó fi rí nǹkan oṣù rẹ lẹ́yìn ọ̀sẹ̀ mẹ́ta 3 sí mẹ́rin 4.

Ó lè rẹ èèyàn tàbí kí ó ní inú rírú, òtútù àti ara gbígbóná ní àkókò yìí. Ọpọlọpọ èèyàn ni ó sì sọ pé bí àwọn ṣe mọ̀ pé oyún náà ti wálẹ̀ ni pé ẹ̀jẹ̀ ń dá, ara wọn sì bẹ̀rẹ̀ sí ní balẹ̀.

Ìdojúkọ pẹlú oyún ṣíṣẹ́ ní ìlànà ìlera sọwọn púpọ̀. Síbẹ̀ síbẹ̀, ó ṣe kókó láti leè mọ àwọn àmì tí má ń farahàn ti ìjàmbá bá ti ń ṣẹlẹ̀. Ti o bá rí ẹ̀jẹ̀ (tí o sì lo aṣọ nkan oṣù 2 laarin wakati 2 léraléra), tàbí tí o ni ìnira tó lágbára tí kò sí lọ lẹ̀ lẹyìn tí o lo òògùn ibuprofen tàbí ti àìlera rẹ kò yàtò síi lẹ́yìn ọjọ́ díẹ̀ tí o ti lo misoprostol, kan sí ilé ìwòsan ní kíákíá.

Se oyún ṣíṣẹ́ ni ìlànà ìlera tàbí oyún ṣíṣẹ́ ní ilé jẹ nkan tí kò bá òfin mu ní orílè-èdè rẹ? Ọ yẹ ki ọ ṣọ́ra pẹlú ohun tí o bá ń sọ. Oyún ṣíṣẹ́ ni ìlànà ìlera má ń ní àwọn àmì pẹlú oyún tí ó sẹ́ mọ ni lára (tí a mọ sí oyún tó ṣẹ́ léraléra). Nitorinà, o lè máa sọ àwọn nkan bí i ”mo sun ẹ̀jẹ̀ lójú ara, àmọ́ kò dà bí ẹ̀jẹ̀ nkan oṣù mi.

Àwọn ọnà tí a fi lè mọ̀ pé ó sisẹ́ pọ rẹpẹtẹ. Ní ìgba oyún ṣíṣẹ́, o ma lè mọ ìgbà tí o bá ya àwọn àsopọ̀ ti oyún (Ó lè rí oyún náà bí ó bá wálẹ̀, tí o bá fẹ́. Ó lè dà bí èso àjàrà tí ó dúdú díẹ̀ tàbí awọ fẹ́lẹ́fẹ́lẹ́, ó sì lè dà bíi àpò kékeré tí nǹkan funfun sì yíì ká.) Èyí ni ìdáremọ̀ pé oyún ọ̀hún ti ṣẹ́. Àmọ́, ó má ń sòró láti lè dá àwọn àsopọ̀ oyún mọ. Àwọn idanimọ mìíràn tún ni ti àwọn àmì oyún bá ń parẹ́ bí í ọmú rírọ tàbí èébì.

Àyẹ̀wò oyún ní ilé tún jẹ́ ọ̀nà mìíràn lati lè mọ bóyá oyún ti ṣẹ́ tàbí kò ṣẹ́. Síbẹ̀ síbẹ̀, mọ̀ wípé àyẹ̀wò oyún lé e sì má jẹ òtítọ́ fún ọsẹ 4 leyin tí o bá sẹ́yún, eléyìí jẹ́ nítorí àwọn hormonu tí o sí wà ní àgọ́ ara. Ẹ̀rọ àyẹ̀wò ilé ọmọ nikan ni a le è fi rí àrídájú bóyá oyún ti ṣẹ́ tàbí tí àwọn ìdojú kọ̀ kan bá má wáyé (bí i ẹ̀jẹ̀ púpọ̀ tàbí àrùn kòkòrò).

Ẹ̀rọ àyẹ̀wò ilé ọmọ kì í se dandan lẹ́yìn tí o bá lo ògùn oyún ṣíṣẹ́. A kàn ní lò ẹ̀rọ àyẹ̀wò ilé ọmọ nígbà tí a bá ni àwọn ìfura tàbí ìnira (ẹ̀jẹ̀ tí ó pọ̀ tàbí àrùn kòkòrò) tàbí tí a bá ní àríyànjiyàn lórí bóyá oyún ọ̀hún ti wálẹ̀ tàbí kò ti wálẹ̀. Tí o bá sì rí àwọn àmì oyún (bi ọrùn ríro, èébì, ara rírẹ̀, àti bẹ bẹ lọ) lẹ́yìn tí o bá lo ògùn ìsẹ́yún, kan sí elétò ìlera fún ètò tó kàn. Ó sé se ki ètò to kan ju lílọ ẹ̀rọ àyẹ̀wò ilé ọmọ tí ó bá tọ́. Fún àlàyé lẹkunrẹrẹ, ọ le kan sí àwọn ọrẹ wa ni orí ẹ̀rọ ayélujára www.womenonweb.org tabi ki ọ lọ sí apá profili orilẹ-ede wa láti lè mọ nipa awọn èròjà oyún sise ni ìlú rẹ.

Ó ṣeéṣe kí ó jẹ́ iṣẹ́ abẹ ni wọ́n yóò fi gbé oyún lára èèyàn míràn tí ó bá lo òògùn ìṣẹ́yún tí kò bá ṣiṣẹ́. Má ṣe gbàgbé pé ìtọ́jú wà fún irú oyún tí kò bá wálẹ̀ bẹ́ẹ̀ káàkiri àgbáyé. Ìwọ náà ní ẹ̀tọ́ sí ìtọ́jú yìí, kódà kí òfin má fi ààyè gba oyún ṣíṣẹ́ ní orílẹ̀ èdè rẹ.

lO è lóyún lẹ́yìn ọjọ́ mẹ́jọ tí o bá ṣẹ oyún. Tí o bá máa ní àjọṣepọ̀, o lè lo nǹkan ìdènà oyún kí o má ba à ní oyún àìròtẹ́lẹ̀.

Rárá o, òògùn ìṣẹ́yún ò lè fà àbùkù sí ara ọmọ tí o bá lóyún rẹ lẹ́yìn tí o lò ó lára.

Rárá o, oyún ṣíṣẹ́ pẹ̀lú òògùn ò ní fa ìdíwọ́ fún oyún níní ní ọjọ́ iwájú.

Bó ti lẹ̀ jẹ́ pé, oyún ṣíṣẹ́ wọ́ pọ̀, àmọ́ a kì sábà sọ̀rọ̀ lórí rẹ̀. Ọ̀rọ̀ oyún ṣíṣẹ́ má ń rọ̀mọ́ àwọn aṣiṣe àlàyé, àròsọ àti ẹ̀gbin tí o so mọ́ ọ. Tí o bá sọ̀rọ̀ nípa oyún ṣíṣẹ́, gbìyànjú láti se ìwádìí tó dá múṣẹ́ láti ojúlówó orísun, yàgò fún àwọn èdè tí o ma tàbùkù bá yàn, kí o sì sọ̀rọ̀ tó dára – ẹnikẹ́ni le è ṣẹ́ oyún. Bó ti lẹ̀ jẹ́ pé, ó lè má rọrùn, àmọ́ má ṣe àríyànjiyàn lórí rẹ. Dípò yẹn, bẹ̀rẹ̀ ìbéèrè ìmọ̀ nípa ìwùwà sí àwọn ènìyàn nípa oyún ṣíṣẹ́.

Òfin tí ó rọ̀ mọ òògùn ìsẹ́yún dálé irú orílẹ̀ èdè tí ò ń gbé. Ní àwọn orílẹ̀ èdè kan, òfin fara mọ́ oyún ṣísẹ́ fún oṣù tí ó lé ní ọ̀sẹ̀ díè ṣùgbọ́n ní ìlú mìíràn oyún ṣíṣẹ́ bá òfin mu fún àwọn ìdí kan (fún àpẹẹrẹ, tí a bá fipá bá ni lò pọ̀ tàbí tí oyún ọ̀hún bá jẹ ìjàmbá fún olóyún náà). Òògùn ìsẹ́yún jẹ́ ohun tí ó bá òfin mu ní ìlú ibòmíràn, àmọ́ wọn le má tà wọn níta ilé ìwòsan. Àwọn ìlú míràn sì wá tó jẹ́ pé, oyún ṣíṣẹ́ jẹ́ èwọ̀ fún won. Kọ́ n’ípa oyún ṣíṣẹ́ ní orílè-èdè rẹ ní ẹ̀kúnrẹ́rẹ́.

Ìrírí olúkúlùkù yàtọ̀ lẹ́yìn oyún ṣíṣẹ́. Àwọn mìíràn le ní ifọkanbalẹ ati ìdùnnú, àwọn mìíràn sí lè ní ìbànújẹ. Sibẹsibẹ, ìmọ̀lára búburú kò wọ pọ̀. Kí ni àwọn ohun búburú tí ó le mú ki ìlera ọpọlọpọ ènìyàn ko ìdájọ́ ati àbùkù. Rántí wípé, ìwọ nìkan kọ́ lo wà – oyún ṣíṣẹ́ wọ́pọ̀. Ìrànlọ́wọ́ láti ọ̀dọ̀ àwọn ọ̀rẹ́, ẹbí àti ilé-isẹ́ ìbílẹ̀ le ràn ni lọ́wọ́.

A ò gbọ́dọ̀ gbé àwọn ọ̀nà tí a lè gbà ṣẹ́yún fún ìlànà ìdènà oyún (ara èyí tí ìdènà oyún pàjáwìrì wà). Àwọn ọ̀nà ìdènà oyún máa ń dí ọ̀nà ẹyin tàbí ṣe ìdíwọ́ fún ìpàdé àtọ̀ àti ẹyin. A ò lè fi àwọn ọ̀nà ìdènà oyún, tí ọkàn lára wọn jẹ́ ìdènà oyún pàjáwìrì ṣẹ́ oyún tí ó ti dúró. Lọ sí www.findmymethod.org láti kọ́ síi nípa àwọn ìlànà ìdènà oyún.

Òògùn idea oyún pàjáwìrì jẹ́ òògùn tí ó múnádóko tí kò sì béwu dé tí a fi ń dènà oyún nígbà tí a bá ní àjọṣepọ̀ láìlo ààbò. Wọ́n máa ń dá iṣẹ́ ẹ̀yà ara ti o máa ń pọ ẹyin dúró tàbí ṣe ìdíwọ́ fún ìpàdé ẹyin àti àtọ̀. Òògùn ìdènà oyún pàjáwìrì ò ní ba oyún tí ó ti dúró jẹ́. Wọ́n sì yàtọ̀ sí àwọn ìlànà oyún ṣíṣẹ́ (tí mifepristone àti misoprostol wà lára rẹ̀). Àwọn ìtọ́jú méjèèjì ṣe pàtàkì sí ìlera ìbí àti ìbálòpọ̀ káàkiri àgbáyé.

Oríṣi ìlànà oyún ṣíṣẹ́ méjì ni ó wà: 1) Oyún ṣíṣẹ́ ní ìlànà ìṣègùn òyìnbó: Nínú ìlànà yìí, a máa ń fi òògùn ṣé oyún. Wọ́n tún máa ń pè é ní “oyún ṣíṣẹ́ láìsí iṣẹ́ abẹ” tàbí “oyún ṣíṣẹ́ pẹ̀lú òògùn.
2) Oyún ṣíṣẹ́ pẹ̀lú iṣẹ́ abẹ: Nínú ìlànà yìí, akọ́ṣẹ́mọṣẹ́ tí ó dáńtọ́ ni yóò gba ẹnu ọ̀nà ilé ọmọ láti yọ oyún náà nínú ilé ọmọ. Lára àwọn ohun tí wọn máa ń ṣe nínú ìlànà yìí ni, fífà oyún síta (manual vacuum aspiration) àti fífẹ ẹnu ọ̀nà ilé ọmọ láti yọ ohun tí ó wà níbẹ̀ (Dilatation and evacuation).

Fún àlàyé síwájú síi, o lè kàn sí wa ni info@howtouseabortionpill.org.