ကိုယ်ဝန်ဖျက်ချဆေးနှင့် ပတ်သတ်ပြီးမေးလေ့ရှိသော မေးခွန်းများ

ပိုသောက်စရာမလိုပါဘူး။ အဝလွန်နေသောအမျိုးသမီးတစ်ဦးသည် တခြားသူတွေကဲ့သို့ တူညီတဲ့ဆေးပမာဏပဲသောက်ရမှာ ဖြစ်ပါသည်။ လေ့လာချက်များအရ ဆေးရဲ့အစွမ်းမှာ အဝလွန်သော သို့မဟုတ် လူကောင်ကြီးသောအမျိုးသမီးများတွင် ဆေးအာနိသင်လျော့နည်းသွားခြင်း မရှိကြောင်း ပြသထားသည်။ ထို့ကြောင့် အခြားဆေးများ သို့မဟုတ် ဆေးပိုမိုသောက်သုံးရန် မလိုအပ်ပါ။

သင်တွင်အမွှာကိုယ်ဝန်ရှိနေကြောင်းတွေ့ရှိပါသော်လည်း ဆေးပမာဏ သို့မဟုတ် ဆေးလုံးအရေအတွက်ကိုပြောင်းလဲရန်မလိုအပ်ပါ။ အမွှာကိုယ်ဝန်အတွက်လည်း တူညီသော လုပ်ထုံးလုပ်နည်းကို အသုံးပြုပါသည်။

မလျော့နည်းပါ။ အကယ်၍ သင်သည် ကိုယ်ဝန်ဖျက်ချဆေးကိုယခင်ကအသုံးပြုခဲ့ဖူးသော်လည်း ယခုအကြိမ် မလိုချင်သောကိုယ်ဝန်ရရှိလာပြီး ဖျက်ချချင်သည်ဆိုပါက ဆေးပမာဏပိုသောက်ရန် မလိုအပ်ပဲ ပုံမှန်ညွှန်ကြားထားသည့်အတိုင်းသောက်ရန်သာလိုအပ်ပါသည်။

အကယ်၍ သင်သည် သားအိမ်အတွင်းထည့်သန္ဓေတားဆေး (ဥပမာကွိုင်သို့မဟုတ် progesterone IUD) ရှိလျှင် ဆေးသောက်ပြီးကိုယ်ဝန်ဖျက်ချခြင်းမပြုမီ ၎င်းကိုဖယ်ရှားပစ်ရမည်။

အကယ်၍ သင်သည်ကလေးကိုနို့တိုက်နေလျှင် misoprostol ဆေးများသည်ကလေးအားဝမ်းလျှောစေနိုင်သည်။ ဒါကိုရှောင်ရှားဖို့ ကလေးကို နို့အရင်တိုက်ပြီးမှ ဆေးသောက်ပါ။ ဆေးသောက်ပြီးလျှင် ၄ နာရီကြာစောင့်ပြီးမှ ကလေးကို နို့ပြန်တိုက်ပါ။

အကယ်၍ သင့်မှာ အိပ်ချ်အိုင်ဗွီရောဂါပိုးရှိပါက misoprostol ဆေးမသောက်ခင် သင်သည် ART ဆေးဝါးများသောက်ထားပြီး ကျန်းမာရေးကောင်းနေသူတစ်ဦးဖြစ်မှ ဆေးသုံးသင့်ပါတယ်။

အကယ်၍ သင့်တွင်သွေးအားနည်းရောဂါရှိလျှင် (သင်၏သွေးတွင်သံဓာတ်ပါဝင်မှုနည်းနေလျှင်) ကိုယ်ဝန်ဖျက်ချဆေးကိုမသုံးမီ သင်လိုအပ်ပါက မိနစ် ၃၀ အတွင်း အကူအညီရယူနိုင်မည့် ကျန်းမာရေးပြုစုစောင့်ရှောက်သူအကူအညီတောင်းယူဖို့ ပြင်ဆင်ထားသင့်ပါသည်။ အကယ်၍ သင်သည် အလွန်သွေးအားနည်းသူဖြစ်ပါက ဆေးမသောက်ခင် ဆရာဝန်နှင့်ပြသပြီး ညွှန်ကြားချက်ရယူပါ။

ဘာမှမဖြစ်ပါဘူး။ ယခင်က ဗိုက်ခွဲမွေးဖွားဖူးသူဆိုရင် ကိုယ်ဝန်ဖျက်ချဆေးပြားကို ကိုယ်ဝန်ဆောင်အစောပိုင်းကာလများတွင်သုံးပါက ပိုပြီးစိတ်ချရပါသည်။

mifepristone နှင့်မွေးရာပါချို့ယွင်းချက်များအကြားဆက်စပ်မှုမရှိပါ။ သို့သော် mifepristone မှာ ကလေးအထိအခိုက်ဖြစ်စေနှုန်း အနည်းငယ်ရှိနိုင်ပါသည်။ misoprostol ဆေးသောက်ပြီးနောက် သင်ကိုယ်ဝန်ရှိနေသေးလျှင်၊ သန္ဓေသားက ဆက်မကြီးထွားလာနိုင်တဲ့ကိုယ်ဝန်ဖြစ်နိုင်ပါသည်။ အကယ်၍ ကိုယ်ဝန်ပျက်ကျခြင်းမရှိဘဲ ကိုယ်ဝန်ဆက်ရှိနေပါက သင့်ကလေးမှာ အထိအခိုက် ၁%ရှိနိုင်ပါသည်။ (ကလေး ၁၀၀ တွင် ၁ယောက်နှုန်း)

မသောက်သုံးသင့်ပါဘူး။ သင့်အနေဖြင့် အန္တရာယ်ရှိသော ကိုယ်ဝန်ဆောင်ထားရပါက သောက်သုံးရန် လုံးဝမသင့်တော်ပါ။ ဘာကြောင့်လဲဆိုတော့ သင်က သားကြောဖြတ်ဖူးထားတဲ့အတွက် သင့်ရဲ့ သားဥပြွန်မှာ ပြဿနာရှိနေတာပါ။ ယခင်က သားအိမ်ပြင်ပတွင်ကိုယ်ဝန်တည်ခြင်းကလည်း ဒီအကြောင်းအရင်းကြောင့် ဖြစ်နိုင်ပါသည်။ သားဥပြွန်နေရာသည် မမျိုးဥနှင့် အဖိုသုတ်ပိုးတို့ မျိုးအောင်ရာနေရာဖြစ်တဲ့အတွက် ဒီနေရာမှာ အနာဖြစ်နေပြီဆိုလျှင် သန္ဓေသည် ကိုယ်ဝန်ကာလအစောပိုင်းတွင် သားဥပြွန်ထဲပိတ်မိနေနိုင်သည်။ ကိုယ်ဝန်ရင့်လာသည်နှင့်အမျှ ပြွန်ပေါက်ပြီး အတွင်းသွေးသွန်ကာ အသက်အန္တရာယ်ရှိနိုင်ပါသည်။ အကယ်၍ ပြွန်ပေါက်ထွက်သွားလျှင် သင့်အားအသက်အန္တရာယ်ဖြစ်စေနိုင်သော သွေးဆင်းမှုဖြစ်နိုင်တဲ့အတွက် သင့်တွင်နောက်ထပ်သားအိမ်ပြင်ပ ကိုယ်ဝန်တည်ခြင်းနဲ့ပတ်သတ်ပြီး အန္တရာယ်ရှိနေပါပြီ။ ထိုကြောင့် ဆေးကို မသောက်သုံးသင့်ပါဘူး။ ကျန်းမာရေးဝန်ထမ်းနှင့် တိုင်ပင်ပြီး သင့်ကိုယ်ဝန်မှာ သားအိမ်အတွင်းသာဖြစ်ပြီး သားဥပြွန်အတွင်းမဟုတ်ကြောင်း အတည်ပြုပြီးမှ သောက်သုံးပါ။

ပထမဦးဆုံး အမျိုးသမီးများမှာ မိမိကိုယ်ဝန်မှာ သားအိမ်ထဲမဟုတ်ဘဲ သားဥပြွန်အတွင်း နေရာမှားကိုယ်ဝန်ရှိနေမည်ဟုသိကြမည်မဟုတ်ပါ။ အာထရာဆောင်းရိုက်မှသာ သိနိုင်မှာပါ။ သားအိမ်ပြင်ပတွင်ကိုယ်ဝန်တည်ခြင်းကို ဖျက်ချရန်မဖြစ်နိုင်ပါ။ ထို့ကြောင့်ကိုယ်ဝန်ဖျက်ချခြင်းသည်တရားဝင်မဟုတ်သောနိုင်ငံများရှိအမျိုးသမီးများသည် ဤကိုယ်ဝန်ကိုရပ်တန့်ရန်အတွက်စစ်ဆေးပြီး တရားဝင်ကိုယ်ဝန်ဖျက်ချနိုင်ပါတယ်။

ဆေးနှစ်မျိုးရှိပါသည်။ တစ်ခုနှင့်တစ်ခု ထိရောက်မှုမှာလည်း မတူညီပါ။ Mifepristone တွေဟာ ကိုယ်ဝန်ကိုကြီးထွားစေမယ့်ဟိုမုန်းထွက်လာခြင်းကို တားပါတယ်။ misoprostol မှာအသုံးပြုထားတဲ့ ပါဝင်ပစ္စည်းတွေကတော့ သားအိမ်အဖွင့်အပိတ်ကို ဖြစ်စေပြီး သားအိမ်လမ်းကြောင်းကိုချဲ့ကာ ကိုယ်ဝန်ကို တွန်းထုတ်ပစ်ပါသည်။

Misoprostol သည်သားအိမ်ကိုကျုံ့စေပြီး ကိုယ်ဝန်ကို ပျက်ကျစေပါသည်။

Mifepristone တွေက ကိုယ်ဝန်ကြီးထွားမှုအတွက် လိုအပ်တဲ့ ဟိုမုန်းတွေကို တားဆီးပေးပါသည်။

အိမ်မှာ misoprostol ကိုအသုံးပြုနိုင်ပါသည်။ ထိုဆေးကို သောက်သုံးမည်ဆိုပါက သောက်သုံးပြီး နာရီအနည်းငယ် အေးဆေးလဲလျောင်းအနားယူနိုင်မည့်နေရာ ရှိရန်လိုအပ်ပါသည်။ သင့်ကို စောင့်ကြည့်မယ့် လူတစ်ဦးလည်း ရှိသင့်ပြီး လက်ဖက်ရည်ပူ သို့ အစားအစာတစ်ခုခု ယူလာပေးပြီး သုံးဆောင်ပါက ပိုအထောက်အကူပြုနိုင်ပါသည်။

Misoprostol သောက်ထားစဥ် မိနစ် ၃၀ အတွင်း ဆေးပျော်ဝင်စေဖို့အတွက် မည်သည့်အစားအစာမှ မစားသောက်ရပါ။ မိနစ် ၃၀ ကြာပြီးမှ ဆေးမြိုကျဖို့နဲ့ ရေဓါတ်အပြည့်အဝရှိစေဖို့ ရေ-အရည် များများသောက်သုံးနိုင်ပါသည်။

Mifepristoneကိုမြိုချရန်အတွက် ရေကို သောက်သုံးနိုင်ပါသည်။

Misoprostol ဆေးကို ပုံစံ ၂မျိုး အသုံးပြုနိုင်ပါသည်။ ဆေးကို မိန်းမကိုယ်ထဲထည့်တာ သို့မဟုတ် လျှာအောက်တွင်ထားပြီး ပျော်ဝင်စေနိုင်ပါသည်။ လျှာအောက်တွင်ထားပါက သင့်ကို တစ်ပါးသူသတိမထားမိဘဲ ဆေးပျော်ဝင်မှုပိုမြန်ပြီး ကိုယ်တွင်ကျန်ခဲ့မည်လည်းမဟုတ်တဲ့အပြင် ရောဂါပိုးဝင်နိုင်ခြေလည်း နည်းပါးပါသည်။

mifepristone နှင့် misoprostol ဆေးနှစ်မျိုးပေါင်းသောက်ခြင်း နှင့် misoprostol ဆေးတစ်မျိုးတည်းသောက်သုံးခြင်းသည် အာနိသင်အတူတူပင် ဖြစ်ပါသည်။ သို့သော် သင့်အနေဖြင့် လွယ်လွယ်ကူကူဝယ်ယူသောက်သုံးနိုင်သည်ဆိုပါက ဆေး ၂မျိုးလုံး ဝယ်ယူအသုံးပြုရန်အတွက် အကြံပြုလိုပါသည်။

ဆေး ၂ မျိုးတွဲသောက်သုံးသူ ၁၀၀ တွင် ၉၈ မှာ ကိုယ်ဝန်ဖျက်ချနိုင်ပြီး misoprostol တစ်မျိုးတည်းသုံးပါက ၁၀၀ တွင် ၉၅ ဦး ကိုယ်ဝန်ဖျက်ချနိုင်ကြောင်း တွေ့ရှိရပါသည်။

ဆေးနှစ်မျိုးစလုံးသောက်သုံးခြင်းဖြင့် ဆေးတစ်မျိုးမှတစ်မျိုးကို အပြန်အလှန် ထောက်ပံ့ပေးနိုင်ပါသည်။ misoprostol အာနိသင်သည် သားအိမ်ခေါင်း (သားအိမ်ဝ) ကိုပွင့်စေပြီး၊ သားအိမ်ကိုကျုံ့စေခြင်းဖြင့် ကိုယ်ဝန်ကိုပျက်ကျအောင်တွန်းထုတ်ပေးနိုင်ပါသည်။

လျှာအောက်တွင် ထားပြီး မိနစ် ၃၀ကြာလျှင် မျိုချထားပြီးသောကြောင့် သင့်အနေဖြင့် ကိုယ်ဝန်ဖျက်ချဆေးများသုံးစွဲထားသည်ကို မည်သူမှသိရှိမည်မဟုတ်ပါ။ တစ်စုံတစ်ယောက်မှ မေးလာလျှင် သင့်အနေဖြင့် ပုံမှန်သွေးဆင်းသည်ဟုသာ ပြောနိုင်ပါသည်။ မိန်းမကိုယ်အတွင်းထည့်ပြီးအသုံးပြုပါက ဆေးပျော်ဝင်မှုမှာ တစ်ရက် သို့ မဟုတ် နှစ်ရက်ထက် ပိုကြာနိုင်ပါသည်။ အကယ်၍ သင့်အနေဖြင့် ၂ရက် ( ၄၈ နာရီအတွင်း ) ဆေးကုသမှုခံယူရန်လိုအပ်လာပါက ကျန်းမာရေးဝန်ထမ်းက သင့်မိန်းမကိုယ်ထဲက ဆေးအခွံကို တွေ့ရှိနိုင်ပါတယ်။ ထိုကြောင့် misoprostol ကို မိန်းမကိုယ်ထဲထည့်မည့်အစား လျှာအောက်တွင် ထားသောက်ရန် အကြံပြုလိုပါသည်။

သင့်အနေဖြင့် ကိုယ်ဝန်သက်တမ်း 13 ပတ်နှင့် အထက်ရှိနေခြင်း၊ mifepristone သို့မဟုတ် misoprostol နှင့် ဓာတ်မတည့်ခြင်း၊ ပြီးတော့ တခြားကျန်းမာရေးပြဿနာတွေဖြစ်သည့် သွေးခဲတတ်ခြင်း နှင့် သားအိမ်ပြင်ပကိုယ်ဝန်တည်ခြင်း အစရှိသော ပြဿများထဲမှ တစ်ခုခုရှိနေခဲ့ပါလျှင် ဆေးကိုအိမ်မှာမသောက်သုံးသင့်ပါ။

အမျိုးသမီးအချို့တွင် ပုံမှန်ရာသီသွေးဆင်းသကဲ့သို့ သွေးများဆင်းမည်ဖြစ်ပြီး ကိုယ်လက်ကိုက်ခဲခြင်းများလည်း ရှိနိုင်ပါသည်။ သို့သော် သွေးဆင်းမှုသည် ပုံမှန်သွေးဆင်းမှုထက် ပမာဏပိုနိုင်ပါသည်။ ပထမစစချင်းသောက်သုံးပြီးနာရီအနည်းငယ်အတွင်း သံပုရာသီးအရွယ်လောက်ရှိ သွေးခဲများကျလာနိုင်ပါသည်။ အချို့အမျိုးသမီးများတွင် နာကျင်ကိုက်ခဲမှုအနည်းငယ်သာရှိပြီး သွေးဆင်းမှုမှာလည်း ပုံမှန်ရာသီလာသလိုပဲ သွေးဆင်းနိုင်ပါသည်။

သင့်အနေဖြင့် Misoprostol ဆေးသောက်ပြီး သွေးဆင်းမှုမရှိဘဲ သို့မဟုတ် သွေးအနည်းငယ်သာဆင်းခြင်း နှင့် ibuprofenအကိုက်အခဲပျောက်ဆေးကိုသောက်ထားသော်လည်း အပြင်းအထန်နာကျင်နေပါက(အထူးသဖြင့် ညာဖက်ပခုံးတွင်) ဆေးကုသမှုခံယူပါ။ ဒါဟာ သားအိမ်ပြင်ပသန္ဓေတည်ခြင်း ဖြစ်နိုင်ပါသည်။ ဒီအခြေအနေသည် ဖြစ်ရန်ရှားပါးသော်လည်း အသက်အန္တရာယ် စိုးရိမ်မှုရှိနိုင်ပါသည်။ သင့်အနေဖြင့် ကိုယ်ဝန်ဖျက်ချခြင်းမအောင်မြင်ဟု စိုးရိမ်ပါက လေ့ကျင့်ထားသောကိုယ်ဝန်ဖျက်ချမှုအကြံပေးနှင့်စကားပြောရန် www.safe2choose.org မှတစ်ဆင့် ဆက်သွယ်နိုင်ပါသည်။

သင့်အနေဖြင့် ကိုယ်ဝန်ပျက်ကျသွားပြီဟု သိပြီးနောက် သာမာန်သုံးနေကျ အမျိုးသမီးလစဥ်သုံးပစ္စည်း pad ၂ခုလောက် ၂ နာရီအတွင်း စိုရွှဲသွားပါက ချက်ချင်းဆေးကုသမှုခံယူပါ။ အမျိုးသမီးလစဥ်သုံးပစ္စည်း Pad စိုရွှဲသည်ဟုဆိုရာတွင် Pad တစ်ခုလုံး အရှေ့မှအနောက်၊ ဘေးအားလုံးနှင့် အပေါ်အောက် သွေးတွေပျံ့နှံ့သွားခြင်းကို ဆိုလိုပါသည်။

ကိုယ်ဝန်ဖျက်ချဆေးသောက်ပြီး သင်၏နာကျင်မှုကိုသက်သာစေရန် 200 mg ရှိသော ibuprofen ဆေး ၃လုံးမှ၄ လုံးကို ၆ နာရီ (သို့မဟုတ်) ၈ နာရီကြာပြီးတိုင်း သောက်ပေးပါ။ misoprostol မသုံးမီ ibuprofen အကိုက်အခဲပျောက်ဆေးကို သောက်နိုင်ပါတယ်။

Misoprostol ဆေးပျော်ဝင်ပြီးနောက် မိမိနှစ်သက်သလိုစားသုံးနိုင်ပါသည်။ မုန့်ခြောက်များ ( ဥပမာ- ခရက်ကာ သို့ ပေါင်မုန့်မီးကင်)က သင့်ကို ပျို့အန်ခြင်းမဖြစ်စေသလို အစိမ်းရောင်အရွက်များ၊ ဥ နှင့် အသားများက ကိုယ်ဝန်ဖျက်ချမှုမှ ဆုံးရှုံးသွားတဲ့ ဓာတ်များကိုပြန်လည်ဖြည့်တင်းပေးနိုင်ပါသည်။

Misoprostol ပျော်ဝင်သွားပါက မိမိနှစ်သက်ရာ အရည်(အရက်သေစာမှ လွဲ၍)ကို သောက်သုံးနိုင်ပါသည်။

ဆေးသုံးစွဲနေစဥ်အတွင်း ဆေးအာနိသင်မထိရောက်ခြင်းမျိုးကို ရှောင်ရှားရန်အတွက် အရက်သောက်သုံးခြင်းကို တားမြစ်ထားပါသည်။ အရက်သောက်ခြင်းသည် သားအိမ်မှ သွေးယိုစီးမှုကိုပိုမိုဖြစ်စေပြီး တစ်ခါတစ်ရံ နာကျင်ကိုက်ခဲခြင်းအတွက် သောက်သည့်ဆေး နှင့် နောက်ဆက်တွဲပြဿများကြုံတွေ့နိုင်သော အမျိုးသမီးတို့အတွက် ပိုးသတ်ဆေးများသုံးရာတွင် ဆေးအာနိသင်ကိုလျော့ချစေနိုင်ပါသည်။ ပုံမှန်အားဖြင့် ကိုယ်ဝန်ဖျက်ချပြီးကြောင်းအတည်ပြုပြီးသည့်အပြင် သင်ကိုယ်တိုင်လည်း ကျန်းမာရေးကောင်းမွန်သည်ဟု သေချာမှသောက်သုံးရန်အကြံပြုလိုပါသည်။

အမျိုးသမီးအများစုသည် ဆေးသောက်ပြီးနောက် ၄-၅ နာရီ အတွင်း ကိုယ်ဝန်ပျက်နိုင်ပြီး ၂၄ နာရီအတွင်း နေရထိုင်ရသက်သာလာပါလိမ့်မည်။ သင့်အနေဖြင့် ပုံမှန်ရာသီလာချိန်မရောက်ခင် ၃-၄ ပတ်အထိ သွေးအနည်းငယ်ဆင်းနေခြင်းသည် ပုံမှန်သာဖြစ်ပါသည်။

ဗိုက်နာဗိုက်အောင့်ခြင်း၊ ဝမ်းလျှောခြင်း၊ ချမ်းတုံခြင်း သို့မဟုတ် ဒီအချိန်တွင် ဖျားနာခြင်းကဲ့သို့ခံစားရခြင်းသည် ပုံမှန်သာဖြစ်သည်။ အမျိုးသမီးအများစုအနေဖြင့် ကိုယ်ဝန်ပျက်ကျပြီးသည်ကို သွေးဆင်းမှုလျော့နည်းလာခြင်း နှင့် ပိုပြီးနေလို့ကောင်းလာခြင်းကနေတစ်ဆင့် သိနိုင်သည်ဟု ပြန်ပြောပြကြသည်။

အချို့အမျိုးသမီးများမှာ ဆေးသောက်ပြီး ကိုယ်ဝန်ဆက်ရှိနေပါက ခွဲစိတ်ကုသမှုခံယူရန်လိုအပ်ပါသည်။ ကိုယ်ဝန်ဖျက်ချမှုမအောင်မြင်ပါက ခွဲစိတ်ကုသမှုပေးခြင်းကို နိုင်ငံတိုင်းလိုလိုမှာ ပြုလုပ်ပေးသည့်အတွက် သင့်အနေဖြင့်သတိပြုရန်မှာ သင့်နိုင်ငံတွင် ကိုယ်ဝန်ဖျက်ချမှုကို တားမြစ်ထားသော်လည်း ဆေးသောက်ပြီးပျက်ကျခြင်းမရှိပါက ဆေးရုံတွင်သမှုခံယူခွင့်ရှိပါသည်။

ကိုယ်ဝန်ဖျက်ချပြီး ၈ ရက်အကြာတွင် ကိုယ်ဝန်ရရန် ကြိုးစားနိုင်ပါသည်။ ကိုယ်ဝန်မရလိုပါက လိင်ဆက်ဆံသည့်အခါ အကာအကွယ်သုံးရန် လိုအပ်ပါတယ်။

မဖြစ်နိုင်ပါ။ ဆေးဝါးဖြင့်ကိုယ်ဝန်ဖျက်ချခြင်းသည် နောက်ထပ်ကိုယ်ဝန်တွေမှ မွေးလာမည့်ကလေးကို ထိခိုက်မှုမဖြစ်စေပါ။

အခက်အခဲမရှိနိုင်ပါ။ ဆေးဝါးဖြင့်ကိုယ်ဝန်ဖျက်ချခြင်းသည် နောက်ပိုင်းကိုယ်ဝန်ပြန်ဆောင်ဖို့အတွက် အခက်အခဲမဖြစ်စေပါ။

ကိုယ်ဝန်ဖျက်ချခြင်းကို ကိုယ်ဝန်ရနိုင်မှုကို တားမြစ်တဲ့ သားဆက်ခြားနည်းလမ်းများ (အရေးပေါ်သန္ဓေတားခြင်းအပါအဝင် အခြားသန္ဓေတားနည်းလမ်းများ)နှင့် မမှားသင့်ပါ။ သားဆက်ခြားနည်းလမ်းများကတော့ မျိုးဥကြွေခြင်းကိုတားမြစ်ခြင်း သို့မဟုတ် မျိုးဥ နှင့် သုတ်ကောင်မပေါင်းနိုင်အောင် တားမြစ်ခြင်းဖြစ်ပါသည်။ ၎င်းနည်းလမ်းများကို ရှိနေပြီးသား ကိုယ်ဝန်ကိုဖျက်ချနိုင်ခြင်းမျိုးအတွက် အသုံးမပြုနိုင်ပါ။ သင့်အနေဖြင့် သားဆက်ခြားနည်းလမ်များကို သိရှိလိုပါက www.findmymethod.org ကိုသွားရောက်ပြီး လေ့လာနိုင်ပါတယ်။

အရေးပေါ်သန္ဓေတားဆေးမှာ အကာအကွယ်မပါဘဲ လိင်ဆက်ဆံပြီးနောက် ကိုယ်ဝန်မရရန်အတွက် သောက်သုံးရသည့်ဆေးဖြစ်ပါသည်။ ၎င်းသည် မျိုးဥကြွေခြင်းကို တားမြစ်ခြင်း သို့မဟုတ် မျိုးဥ နှင့် သုတ်ကောင်မပေါင်းနိုင်အောင် တားမြစ်ခြင်းကို ပြုလုပ်ပေးနိုင်ပါသည်။ သို့သော် ထိုဆေးများဟာ Mifepristone နှင့် Misoprostol ဆေးများနှင့်မတူပါ။ ထို့ကြောင့်ရှိနေပြီးသားကိုယ်ဝန်ကို ဖျက်ချနိုင်စွမ်းမရှိပါ။ ကိုယ်ဝန်ဖျက်ချဆေးနှင့် အရေးပေါ်သန္ဓေတားဆေး( EC Pill) နည်းလမ်း ၂ ခုလုံးကတော့ ကမ္ဘာပေါ်မှာရှိတဲ့ အမျိုးသမီးတွေအကုန်လုံးရဲ့ မျိုးဆက်ပွားကျန်းမာရေးအတွက် အရေးကြီးတဲ့ဆေးဝါးများနဲ့ အသုံးပြုတဲ့နည်းများအနေဖြင့် ပါဝင်နေပါတယ်။

ကိုယ်ဝန်ဖျက်ချနည်း ၂ နည်းရှိပါတယ်။ ၁။ ဆေးဖြင့် ဖျက်ချနည်း –
1) ကိုယ်ဝန်ဖျက်ချသည့်ဆေးများကို ကိုယ်ဝန်ဆောင်နေချိန်တွင် ကိုယ်ဝန်ဖျက်ချရန်အတွက် သောက်သုံးခြင်းဖြစ်ပါတယ်။ ၎င်းသည် ခွဲစိတ်ကုသစရာမလိုဘဲ ဆေးသောက်ဖျက်ချနိုင်ပါသည်။ ၂။ ခွဲစိတ်ဖျက်ချနည်း

2) ကျွမ်းကျင်ဆရာဝန်မှ သားအိမ်ထဲမှအသားစကို ကိုယ်ဝန်ဖျက်ချရန်အတွက် ရှင်းထုတ်ပစ်ခြင်းဖြစ်သည်။ MVA ကဲသို့ လေစုပ်ထုတ်နည်း နှင့် သားအိမ်ခြစ်နည်းတို့ဖြင့် လုပ်ဆောင်ခြင်းဖြစ်သည်။

info@howtouseabortionpill.org အီးမေးလ်မှ တစ်ဆင့် ကျွန်ုပ်တို့အဖွဲ့ကို ဆက်သွယ်မေးမြန်းနိုင်ပါသည်။