ကိုယ်ဝန်ဖျက်ချဆေးကို ဘယ်လိုအသုံးပြုမလဲ

ဆေးဖြင့် ကိုယ်ဝန်ဖျက်ချခြင်းအတွက် နည်းလမ်း ၂ နည်းရှိပါတယ်။ (၂)နည်းလုံးအစွမ်းထက်ပါတယ်။"

Mifepristone နှင့် Misoprostol ဆေးအသုံးပြုပြီး ကိုယ်ဝန်ဖျက်ချနည်း

ဆေးကိုအသုံးမပြုခင် ကိုယ်ဝန်ဖျက်ချဆေး အသုံးမပြုခင်တွင် ကျွန်နုပ်တို့အကြံပြုချက်များကို အရင်ဖတ်ပါ။ အောက်ပါအချက်တို့ဖြင့်လည်း ကိုက်ညီရပါမည်။

  • ကိုယ်ဝန်ဆောင်သက်တမ်းမှာ ပထမ ၁၁ ပတ်အတွင်းသာဖြစ်ရပါမည်။ (၇၇ ရက်အတွင်း)
  • သင့်အနေဖြင့် ကျွန်ုပ်တို့ပြောပြထားတဲ့ သိသင့်သိထိုက်သော အရာများအားလုံးနှင့် အကြံဉာဏ်ပေးချက်များကို နားလည်သဘောပေါက်ပြီးသားဖြစ်ရပါမည်။
  • အရေးပေါ်အခြေအနေအတွက် ဘေးကင်းမည့်အစီအစဉ်ကို ကြိုတင်ပြင်ဆင်ထားပါ။
အဆင့် ၁ -
mifepristone(၂၀၀ မီလီဂရမ်) တစ်လုံးကို ရေဖြင့် သောက်ပါ။
အဆင့် ၂ -
၂၄ နာရီ ကနေ ၄၈ လောက် စောင့်ပါ။ Misoprostol ဆေးသောက်ပြီး ဆေးအာနိသင်ပြဖို့ ၄၈ နာရီမကျော်ဘဲ ၂၄ နာရီ လောက် စောင့်သင့်ပါသည်။ ဆေးအာနိသင်ပြဖို့စောင့်ဆိုင်းနေချိန်တွင် သင်နေ့စဉ်ဘဝတွင် လုပ်ကိုင်နေသည့်အရာများ(မိသားစုကို စောင့်ရှောက်ခြင်း၊ ရုံး သို့ ကျောင်းသွားခြင်း) ကို ပုံမှန်အတိုင်းဆက်လက်လုပ်ကိုင်သွားပါ။
အဆင့် ၃ -
ဆေးတစ်လုံးလျှင် ၂၀၀ မီလီဂရမ်ရှိသော Misoprostol ဆေး ၄ လုံးကို လျှာအောက်ထဲ မိနစ် ၃၀ လောက်ထည့်ငုံထားပါ။ ဆေးက အာခြောက်စေပြီး အရည်ပျော်လာလျှင် သင့်အနေဖြင့် မြေဖြူအရသာလို ခံစားရပါလိမ့်မည်။ ဆေးကို လျှာအောက်ထဲထည့်ထားချိန် မိနစ် ၃၀ အတွင်း မည်သည့်အစာကိုမျှ မစား၊ မသောက်ရပါ။ မိနစ် ၃၀ ကြာပြီးနောက် ပါးလုပ်ကျင်းပြီး ကျန်နေသည့်ဆေးများကို မြိုချလိုက်ပါ။
ဆေးကိုလျှာအောက်ထဲထည့်ထားစဥ် အန်မိပါက ထိုဆေးများ အာနိသင်ရှိတော့မည်မဟုတ်ပါ။ ထိုအခါမျိုးတွင် အဆင့် ၃ ကိုထပ်မံလုပ်ဆောင်ရမည်ဖြစ်သည်။ မိနစ် ၃၀ ကြာထားပြီး မအန်ပါက ဆေးများမှာ သင့်ကိုယ်တွင်းသို့ ပျော်ဝင်သွားပြီးဖြစ်သည့်အတွက် သင့်အနေဖြင့် အဆင့် ၃ အတိုင်း ထပ်မံလုပ်ဆောင်ရန် မလိုအပ်တော့ပါ။
ထိုဆေး ၄လုံးကို အသုံးပြုပြီး ၄ နာရီအကြာတွင် သွေးများ စဆင်းမည်ဖြစ်သည်။ ၎င်းသည် သင်ပုံမှန်ရာသီလာသကဲ့သို့ပင်ဖြစ်ပြီး၊ တစ်ချို့တွင် ပုံမှန်ထက်သွေးများ ပိုသွန်နိုင်ပါသည်။ ၎င်းမှာ ကိုယ်ဝန်ဖျက်ချမှုအောင်မြင်ခြင်းကို ပြသခြင်းဖြစ်သည်။
ဆေးသောက်ပြီး ၃ နာရီကြာစောင့်ဆိုင်းပြီးနောက် ကိုယ်ဝန် ၉-၁၁ ပတ်ရှိသော အမျိုးသမီးများအနေဖြင့် အဆင့် ၄ ကိုလုပ်ဆောင်သင့်ပါသည်။ သင့်အနေဖြင့် ကိုယ်ဝန် ၉ ပတ်အောက်ရှိပြီး အဆင့် ၃ ပြီးနောက် သွေးသွန်ခြင်းမရှိပါက အဆင့် ၄ ကိုလုပ်ဆောင်ပါ။ ကိုယ်ဝန် ၉ပတ်အောက်ရှိပြီး အဆင့် ၁-၃ ပြီးနောက်သွေးသွန်ပါက အဆင့် ၄ ကိုဆက်လက်လုပ်ဆောင်ရန်မလိုအပ်ပါ။
အဆင့် ၄ -
ကိုယ်ဝန်ဆောင်သက်တမ်း ၉-၁၁ ပတ်ရှိသူများအနေဖြင့် အဆင့် ၃ ပြီးလို့ ၃နာရီစောင့်ဆိုင်းပြီးသည့်နောက် သွေးအနည်းငယ်ဆင်းခြင်း သို့မဟုတ် လုံးဝ သွေးသွန်ခြင်းမရှိပါက ဆေးတစ်လုံးလျှင် ၂၀၀ mcgရှိသော misoprostol ဆေး ၄လုံးကို မိနစ် ၃၀ကြာအောင်လျှာအောက်တွင် ထားပါ။ သင့်ခံတွင်းအတွင်း ခြောက်ကပ်ခြင်း သို့ ချွဲပစ်ခြင်းများကို ဖြစ်စေနိုင်ပါတယ်။ သို့သော် ထိုငုံထားသော ဆေးကို မိနစ် ၃၀ အတွင်း ဝါးစားခြင်း သို့မဟုတ် ရေဖြင့် သောက်လိုက်ခြင်းများ လုံးဝမပြုလုပ်ပါနှင့်။ မိနစ် ၃၀ကြာထားပြီးမှ ပါးစပ်ထဲတွင်ကျန်သည့်ဆေးကို ရေသောက်ပြီးမြိုချနိုင်ပါသည်။
ထိုနောက် နောက်ထပ် ၃နာရီစောင့်ဆိုင်းပြီးသော်လည်း (၃ နာရီခြား ဆေး ၃ ခါ ငုံထားပြီး) သွေးဆင်းခြင်း သို့မဟုတ် အနည်းငယ်သာသွေးဆင်းပါက www.safe2choose.orgwww.womenhelp.org သို့ www.womenonweb.org တို့ကို အကူအညီရယူဖို့အတွက် ဆက်သွယ်ပါ။ နားလည်တက်ကျွမ်းသူနှင့် တိုင်ပင်ဆွေးနွေးမှုမပြုလုပ်ရသေးခင် ဆေးများကို ထပ်မံ အသုံးပြုခြင်းမပြုရန် တားမြစ်ပါသည်။

Mifepristone နှင့် Misoprostol ဆေးအသုံးပြုပြီး ကိုယ်ဝန်ဖျက်ချနည်းတွင် သတိပြုရမည့်အချက်များ

Mifepristone နှင့် Misoprostol ဆေးသောက်ပြီးနောက် ဖြစ်လာနိုင်မည့်အရာများကိုဒီမှာ လေ့လာရန်ဖတ်ရှုပါ။

သင့်အနေဖြင့် ဆေးသောက်ပြီး နာကျင်ကိုက်ခဲခြင်းများ ခံစားနေရပါက ibuprofen မှာအကောင်းဆုံးဆေးဖြစ်ပါသည်။ ဆေးတစ်လုံးလျှင် 200 မီလီဂရမ် ibuprofen ကို ဆေးဆိုင်များမှာ ဆေးစာမပါဘဲဝယ်ယူနိုင်ပါသည်။ ၆နာရီမှ၈နာရီတိုင်း ဆေးတစ်လုံးလျှင် ၂၀၀ မီလီဂရမ်ရှိသော ဆေး ၃လုံးမှ၄လုံး သောက်ပေးပါ။ အကိုက်အခဲကို ပိုမိုသက်သာလိုပါက Tylenol (၃၂၅ မီလီဂရမ်)ကို ၆နာရီ သို့မဟုတ် ၈ နာရီတိုင်း ၂လုံးသောက်သုံးပါ။

Mifepristone နှင့် Misoprostol များသောက်သုံးထားပါက ကျန်းမာရေးဆေးခန်းထံသို့ သွားရောက်ရန် မလိုအပ်ပါ။ ဤဆေးများမှာ အသုံးဝင်ပြီး ကမ္ဘာ့ကျန်းမာရေးအဖွဲ့အစည်း၏ အကြံပြုချက်များနဲ့အညီ လမ်းညွှန်ထားခြင်းဖြစ်သည့်အတွက် သေချာစွာလိုက်နာဆောင်ရွ သောက်သုံးရန် လိုအပ်ပြီး အောက်ပါ အချက်များကိုတော့ သတိထားပါ။

  • ဆေးသောက်ပြီး ၂ ရက် သို့မဟုတ် ၃ ရက်ကြာပြီးသည့်အထိ ဖျားနာခြင်း သို့ ကိုက်ခဲခြင်းများ ဆက်လက်ဖြစ်ပွားနေပါက ဆေးကုသမှုခံယူပါ။
  • ကိုယ်ဝန်ဖျက်ချဆေးများသောက်ပြီး ၂ ပတ်ကြာသည့်အထိ ကိုယ်ဝန်ဆောင်လက္ခဏာများ ခံစားနေရတတ်ပါသည်။
  • ၂ ပတ်ကြာသည့်အထိ သွေးဆင်းခြင်း သို့မဟုတ် ပုံမှန်အတိုင်း ထက် ပိုမိုသွေးသွန်ခြင်းများလည်း ရှိနိုင်ပါသည်။

Misoprostol ဆေးတစ်မျိုးတည်းသုံးပြီးကိုယ်ဝန်ဖျက်ချခြင်းအတွက် လမ်းညွှန်ချက်များ

ဆေးကိုအသုံးမပြုခင် ကိုယ်ဝန်ဖျက်ချဆေး အသုံးမပြုခင်တွင် ကျွန်နုပ်တို့အကြံပြုချက်များကို အရင်ဖတ်ပါ။ အောက်ပါအချက်တို့ဖြင့်လည်း ကိုက်ညီရပါမည်။

  • ကိုယ်ဝန်ဆောင်သက်တမ်းမှာ ပထမ ၁၁ ပတ်အတွင်းသာဖြစ်ရပါမည်။ (၇၇ ရက်အတွင်း)
  • သင့်အနေဖြင့် ကျွန်ုပ်တို့ပြောပြထားတဲ့ သိသင့်သိထိုက်သော အရာများအားလုံးနှင့် အကြံဉာဏ်ပေးချက်များကို နားလည်သဘောပေါက်ပြီးသားဖြစ်ရပါမည်။
  • အရေးပေါ်အခြေအနေအတွက် ဘေးကင်းမည့်အစီအစဉ်ကို ကြိုတင်ပြင်ဆင်ထားပါ။
အဆင့် ၁ -
ဆေးတစ်လုံးလျှင် ၂၀၀ မီလီဂရမ်ရှိသော Misoprostol ဆေး ၄ လုံးကို လျှာအောက်တွင် မိနစ် ၃၀ကြာ ထားပါ။ သင့်ခံတွင်းအတွင်း ခြောက်ကပ်ခြင်း သို့ ချွဲပစ်ခြင်းများကို ဖြစ်စေနိုင်ပါတယ်။ သို့သော် ထိုငုံထားသော ဆေးကို မိနစ်၃၀အတွင်း ဝါးစားခြင်း သို့မဟုတ် ရေဖြင့် သောက်လိုက်ခြင်းများ လုံးဝမပြုလုပ်ပါနှင့်။ ထိုမိနစ် ၃၀ ပြီးမှ ရေသောက်ပြီး ပါးစပ်ထဲတွင်ကျန်သည့်ဆေးများကို မြိုချလိုက်ပါ။ ထိုနောက် အဆင့် ၂ မလုပ်ဆောင်မှီ ၄နာရီစောင့်ဆိုင်းပါ။
misoprostol ဆေးများ ပါးစပ်ထဲတွင် ရှိနေချိန် အန်မိပါက ထိုဆေးများ အစွမ်းထက်မည်မဟုတ်ပါ။ ထိုအခါမျိုးတွင် အဆင့် ၁ အတိုင်း ထပ်မံလုပ်ဆောင်ရမည်ဖြစ်သည်။ မိနစ် ၃၀ ကြာထားပြီးနောက် မအန်ပါက ဆေးများမှာ သင့်ကိုယ်တွင်းသို့ ပျော်ဝင်သွားပြီးဖြစ်သည့်အတွက် သင့်အနေဖြင့် အဆင့် ၁ အတိုင်း ထပ်မံလုပ်ဆောင်ရန် မလိုအပ်တော့ပါ။
ထိုဆေး ၄လုံးကို အသုံးပြုပြီး ၄ နာရီအကြာတွင် သွေးများစသွန်မည်ဖြစ်သည်။ ၎င်းသည် သင်ပုံမှန်ရာသီလာသကဲ့သို့ပင်ဖြစ်ပြီး ထိုထက် သွေးများပိုဆင်းနိုင်ပါသည်။ ၎င်းမှာ ကိုယ်ဝန်ဖျက်ချမှုအောင်မြင်ကြောင်း ပြသခြင်းဖြစ်သည်။
အဆင့် ၂ -
အဆင့် ၁ အတိုင်း နောက်ထပ် ဆေး၄ပြားဖြင့် ထပ်မံလုပ်ဆောင်ပြီး ၃နာရီ ထပ်မံစောင့်ဆိုင်းပါ။
၃ နာရီကြာစောင့်ဆိုင်းပြီးနောက် ကိုယ်ဝန် ၉-၁၁ ပတ်ရှိသော အမျိုးသမီးများအနေဖြင့် အဆင့် ၃ ကိုလုပ်ဆောင်သင့်ပါသည်။ သင့်အနေဖြင့် ကိုယ်ဝန် ၉ ပတ်အောက်ရှိပြီး သွေးသွန်ခြင်းမရှိပါက အဆင့် ၃ ကိုလုပ်ဆောင်ပါ။ ကိုယ်ဝန် ၉ပတ်အောက်ရှိပြီး အဆင့် ၁ မှ ၂ အထိပြီးနောက် သွေးသွန်ပါက အဆင့် ၃ ကိုဆက်လက်လုပ်ဆောင်ရန်မလိုအပ်ပါ။
အဆင့် ၃ ( သင့်အနေဖြင့် ကိုယ်ဝန်ဆောင်သက်ထမ်း ၉-၁၁ ပတ်အတွင်း ရှိပြီး အဆင့် ၁ နှင့် ၂ ပြီးနောက် သွေးအနည်းငယ်သာဆင်းခြင်း သို့မဟုတ် လုံးဝမဆင်းခြင်းအတွက်)
အဆင့် ၁ အတိုင်း နောက်ထပ် ဆေး၄လုံးဖြင့် ထပ်မံလုပ်ဆောင်ပါ။.
(၃ နာရီခြား ဆေး ၃ ခါ ငုံထားပြီး) ဆေး ၁၂လုံးထိသောက်သုံးပြီးနောက် သွေးမဆင်းခြင်း သို့မဟုတ် အနည်းငယ်သာ ဆင်းပါက www.safe2choose.orgwww.womenhelp.org သို႕ www.womenonweb.org တို့ကို အကူအညီရယူဖို့ ဆက်သွယ်ပါ။ နားလည်တက်ကျွမ်းသူနှင့် တိုင်ပင်ဆွေးနွေးမှုမပြုလုပ်ရသေးခင် ဆေးများကို ထပ်မံ အသုံးပြုခြင်းမပြုရန် တားမြစ်ပါသည်။

Misoprostol ဆေးတစ်မျိုးသာအသုံးပြုပြီး ကိုယ်ဝန်ဖျက်ချခြင်းအတွက် သတိပြုရမည့်အချက်များ

Misoprostol ဆေးသောက်ပြီးနောက် ဖြစ်လာမည့်အရာများကိုဒီမှာ လေ့လာရန် ဖတ်ရှုပါ။

သင့်အနေဖြင့် ကိုက်ခဲခြင်းများ ခံစားနေရပါက ibuprofen မှာအကောင်းဆုံးဆေးဖြစ်ပါသည်။ ibuprofen 200 မီလီဂရမ်ကို ဆေးဆိုင်များမှာ ဆေးစာမပါဘဲဝယ်ယူနိုင်ပါသည်။ ၆-၈ နာရီပြီးနောက် ဆေးတစ်လုံးလျှင် ၂၀၀ မီလီဂရမ်သော တစ်ကြိမ်လျှင် ဆေး ၃-၄ လုံးထိ သောက်ပါ။ အကိုက်အခဲကို ပိုမိုသက်သာလိုပါက Tylenol (၃၂၅ မီလီဂရမ်)ကို ၆-၈ နာရီအချိန်တိုင်း ၂လုံးသောက်သုံးပါ။

Mifepristone နှင့် Misoprostol များသောက်သုံးထားပါက ကျန်းမာရေးဆေးခန်းထံသို့ သွားရောက်ရန် မလိုအပ်ပါ။ ဤဆေးများမှာ အသုံးဝင်ပြီး ကမ္ဘာ့ကျန်းမာရေးအဖွဲ့အစည်း၏ အကြံပြုချက်များနဲ့အညီ လမ်းညွှန်ထားခြင်းဖြစ်သည့်အတွက် သေချာစွာလိုက်နာဆောင်ရွ သောက်သုံးရန် လိုအပ်ပြီး အောက်ပါ အချက်များကိုတော့ သတိထားပါ။

  • ဆေးသောက်ပြီး ၂ ရက် သို့မဟုတ် ၃ ရက်ကြာပြီးသည့်အထိ ဖျားနာခြင်း သို့ ကိုက်ခဲခြင်းများ ဆက်လက်ဖြစ်ပွားနေပါက ဆေးကုသမှုကို ခံယူပါ။
  • ကိုယ်ဝန်ဖျက်ချဆေးများသောက်ပြီး ၂ ပတ်ကြာသည့်အထိ ကိုယ်ဝန်ဆောင်လက္ခဏာများ ခံစားနေရတတ်ပါသည်။
  • ၂ ပတ်ကြာသည့်အထိ သွေးဆင်းခြင်း သို့မဟုတ် ပုံမှန်အတိုင်း ထက် ပိုမိုသွေးသွန်ခြင်းများလည်း ရှိနိုင်ပါသည်။

စာရေးသူများ-

ဤဝဘ်ဆိုက်တွင် ဖော်ပြထားသည့် အကြောင်းအရာအားလုံးကို အပြည်ပြည်ဆိုင်ရာ ကိုယ်ဝန်ဖျက်ချခြင်းဆိုင်ရာ အဖွဲ့အစည်း၊ Ipas၊ ကမ္ဘာ့ကျန်းမာရေးအဖွဲ့အစည်း၊ DKT International နှင့် carafem တို့ထံမှ စံနှုန်းများ၊ ပရိုတိုကောများနှင့်အညီ HowToUseAbortionPill.org အဖွဲ့မှ ရေးသားထားခြင်းဖြစ်ပါသည်။

အပြည်ပြည်ဆိုင်ရာ ကိုယ်ဝန်ဖျက်ချခြင်းဆိုင်ရာ အဖွဲ့အစည်း (NAF) သည် မြောက်အမေရိကရှိ ကိုယ်ဝန်ဖျက်ချခြင်းဆိုင်ရာ ဝန်ဆောင်မှုပေးသူများပါဝင်သော ပရော်ဖက်ရှင်နယ်အဖွဲ့အစည်း ဖြစ်ပြီး၊ ပရိုရွေးချယ်မှုဆိုင်ရာ လှုပ်ရှားမှုတွင် ဦးဆောင်သူဖြစ်ပါသည်။ HowToUseAbortionPill.org ရှိ အကြောင်းအရာသည် NAF မှထုတ်ပြန်သော 2020 ဆေးဝါးစမ်းသပ်မှုဆိုင်ရာမူဝါဒ လမ်းညွှန်ချက်များ နှင့်အညီ ဖြစ်ပါသည်။

Ipas သည် ဘေးကင်းသော ကိုယ်ဝန်ဖျက်ချခြင်းနှင့် သန္ဓတားခြင်းဆိုင်ရာ စောင့်ရှောက်မှုကို ပိုမိုကျယ်ပြန့်စွာ ရရှိစေခြင်းပေါ်တွင်သာ အာရုံစိုက်သည့် တစ်ခုတည်းသော အပြည်ပြည်ဆိုင်ရာ အဖွဲ့အစည်းဖြစ်ပါသည်။ HowToUseAbortionPill.org ရှိအကြောင်းအရာသည် Ipas မှထုတ်ပြန်သော မျိုးဆက်ပွားကျန်းမာရေး 2019 ရှိ ဆေးဝါးစမ်းသပ်မှုအပ်ဒိတ်များ နှင့်အညီ ဖြစ်ပါသည်။

ကမ္ဘာကျန်းမာရေးအဖွဲ့အစည်း (WHO) သည် နိုင်ငံတကာရှိ အများပြည်သူကျန်းမာရေးအတွက် တာဝန်ရှိသော ကုလသမဂ္ဂ၏ အထူးအေဂျင်စီတစ်ခု ဖြစ်ပါသည်။ HowToUseAbortionPill.org ရှိအကြောင်းအရာသည် WHO မှထုတ်ပြန်သော 2012 ဘေးကင်းသော ကိုယ်ဝန်ဖျက်ချခြင်း- ကျန်းမာရေးစနစ်များအတွက် နည်းပညာဆိုင်ရာနှင့် မူဝါဒ လမ်းညွှန်ချက် နှင့်အညီ ဖြစ်ပါသည်။

DKT International သည် မိသားစုအစီအစဉ်ဆွဲခြင်း၊ HIV/AIDS ကာကွယ်တားဆီးခြင်းနှင့် ဘေးကင်းသော ကိုယ်ဝန်ဖျက်ချခြင်းအတွက် အကြီးမားဆုံးလိုအပ်ချက်အချို့ပေါ်ရှိ ဆိုရှယ်မားကတ်တင်း၏စွမ်းအားပေါ်တွင် အာရုံစိုက်ရန် 1989 ၌ ဖွဲ့စည်းခဲ့သော မှတ်ပုံတင်ထားသည့် ကိုယ်ကျိုးမဖက်အဖွဲ့အစည်းတစ်ခု ဖြစ်ပါသည်။

carafem သည် လူများအနေဖြင့် ၎င်းတို့၏ ကလေးအရေအတွက်ကို သတ်မှတ် ထိန်းချုပ်နိုင်စေရန် အဆင်ပြေပြီး ပရော်ဖက်ရှင်နယ်ဆန်သော ကိုယ်ဝန်ဖျက်ချခြင်းဆိုင်ရာ စောင့်ရှောက်မှုနှင့် မိသားစုအစီအစဉ်ဆွဲခြင်းတို့ကို ဖြည့်ဆည်းပေးသည့် ဆေးဝါးကွန်ရက်ဖြစ်ပါသည်။


References:

This website may require anonymous cookies and various third party services to function properly. You can read our Terms & Conditions and Privacy Policies. By continuing to use this site you are giving us your consent to do this.