មុនពេលចាប់ផ្តើម សូមអានការណែនាំរបស់យើងនៅលើ មុនពេលប្រើថ្នាំគ្រាប់។ ត្រូវប្រាកដថា៖
- ការមានផ្ទៃពោះរបស់អ្នកគឺស្ថិតក្នុងរយៈពេល 13 សប្តាហ៍ដំបូង (91 ថ្ងៃ)
- អ្នកបានពិនិត្យមើល ការពិចារណា និង ការណែនាំទូទៅ ទាំងអស់របស់យើង
- អ្នកមាន ផែនការសុវត្ថិភាព ដែលបានត្រៀមជាស្រេចនៅក្នុងករណីបន្ទាន់ដោយកម្រ.
ការណែនាំអំពីការរំលូតកូនដោយប្រើមីហ្វេប្រីស្តូន (Mifepristone) និងមីសូប្រូស្តូល (Misoprostol)
ចំពោះការរំលូតកូនដោយប្រើថ្នាំមីហ្វេប្រីស្តូន (mifepristone) និងមីសូប្រូស្តូល (misoprostol) អ្នកនឹងត្រូវលេបថ្នាំមីហ្វេប្រីស្តូន (mifepristone) ចំនួន 200mg មួយគ្រាប់ និងថ្នាំមីសូប្រូស្តូល (misoprostol) ចំនួន 200mg បួនទៅប្រាំបីគ្រាប់។ អ្នកក៏នឹងត្រូវមានថ្នាំបំបាត់ការឈឺចាប់នៅក្នុងដៃផងដែរ ដូចជាអ៊ីប៊ុយប្រូហ្វែន (ibuprofen) ដើម្បីជួយគ្រប់គ្រងការឈឺចាប់។ ថ្នាំអាសេតាមីណូហ្វេន (Acetaminophen) និងប៉ារ៉ាសេតាមុល (paracetamol) មិនមានប្រសិទ្ធភាពសម្រាប់ការឈឺចាប់ក្នុងអំឡុងពេលរំលូតកូនទេ ដូច្នេះយើងមិនណែនាំឱ្យប្រើថ្នាំទាំងនេះទេ។
នេះជារបៀបលេបថ្នាំមីហ្វេប្រីស្តូន (mifepristone) និងមីសូប្រូស្តូល (misoprostol) ជាមួយគ្នា ដើម្បីបញ្ចប់ការមានផ្ទៃពោះ៖
ជំហានទី 1:
លេបថ្នាំមីហ្វេប្រីស្តូន (mifepristone) ចំនួន 200mg មួយគ្រាប់ជាមួយទឹក។
ជំហានទី 2:
រង់ចាំ 24-48 ម៉ោង។
ជំហានទី 3:
ដាក់ថាំមីសូប្រូស្តូល (misoprostol) ចំនួន 4 គ្រាប់ (200 mcg ម្តងមួយៗ) នៅក្រោមអណ្តាតរបស់អ្នក ហើយទុកថ្នាំទាំងនោះនៅទីនោះរយៈពេល 30 នាទីរហូតដល់រលាយអស់។ អ្នកមិនគួរនិយាយ ឬញ៉ាំអាហារក្នុងរយៈពេល 30 នាទីនេះទេ ដូច្នេះជាការល្អដែលអ្នកត្រូវនៅកន្លែងស្ងាត់ដែលគ្មានអ្នករំខាន។ បនាប់ពី 30 នាទីក្រោយ សូមផឹកទឹកឱ្យបានច្រើន និងលេបអ្វីដែលនៅសេសសល់ពីថ្នាំគ្រាប់នោះ។ នេះក៏ជាពេលវេលាល្អក្នុងការលេបថ្នាំបំបាត់ការឈឺចាប់ផងដែរ ដូចជាអ៊ីប៊ុយប្រូហ្វែន (ibuprofen) ព្រោះការឈឺចាប់រមួលនឹងចាប់ផ្តើមឆាប់ៗនេះ។
អ្នកនឹងចាប់ផ្តើមហូរឈាម និងឈឺចាប់រមួលក្នុងរយៈពេល 3 ម៉ោង បន្ទាប់ពីប្រើថ្នាំមីសូប្រូស្តូល (misoprostol) ចំនួន 4 គ្រាប់នោះរួច។
ជំហានទី 4:
24 ម៉ោងបន្ទាប់ពីលេបថ្នាំមីសូប្រូស្តូន (misoprostol) ចំនួន 4 គ្រាប់នោះរួច ប្រសិនបើអ្នកមិនបានចាប់ផ្តើមហូរឈាមទេ ឬប្រសិនបើអ្នកមិនប្រាកដថាការរំលូតកូនដំណើរការទេ សូមដាក់ថ្នាំមីសូប្រូស្តូល (misoprostol) ចំនួន 4 គ្រាប់បន្ថែមទៀតនៅក្រោមអណ្តាតរបស់អ្នក។ ទុកថ្នាំទាំងនោះនៅទីនោះរយៈពេល 30 នាទីរហូតដល់រលាយអស់។ បនាប់ពី 30 នាទីក្រោយ សូមផឹកទឹកឱ្យបានច្រើន និងលេបអ្វីដែលនៅសេសសល់ពីថ្នាំគ្រាប់នោះ។
ការពិចារណាផ្សេងទៀតសម្រាប់ការរំលូតកូនដោយប្រើថ្នាំ មីហ្វេប្រីស្តូន (Mifepristone) និងមីសូប្រូស្តូល (Misoprostol)៖
ស្វែងយល់ពីអ្វីដែលត្រូវគិតទុកមុនបន្ទាប់ពីប្រើថ្នាំមីហ្វេប្រីស្តូន (mifepristone) និងមីសូប្រូស្តូន (misoprostol) ទីនេះ។
ប្រសិនបើអ្នកប្រឈមមុខនឹងការឈឺចាប់រមួលខ្លាំង អ៊ីប៊ុយប្រូហ្វែន (ibuprofen) គឺជាថ្នាំដ៏ល្អបំផុតដើម្បីដោះស្រាយការឈឺចាប់។ អ្នកអាចទិញអ៊ីប៊ុយប្រូហ្វែន (ibuprofen) កម្លាំង 200mg នៅតាមឱសថស្ថាន (ដោយគ្មានវេជ្ជបញ្ជា) នៅក្នុងប្រទេសភាគច្រើន។ លេបថ្នាំ 3-4 គ្រាប់ (200 mg ម្ដងមួយៗ) រៀងរាល់ 6-8 ម៉ោងម្ដង។ ប្រសិនបើអ្នកត្រូវការអ្វីបន្ថែមសម្រាប់បំបាត់ការឈឺចាប់ អ្នកក៏អាចប្រើថ្នាំទីឡេណុល (Tylenol) (325 mg) ចំនួន 2 គ្រាប់រៀងរាល់ 6-8 ម៉ោងម្តង។
ប្រសិនបើអ្នកព្រួយបារម្ភអំពីដំណើរការរំលូតកូន ហើយចង់បានការគាំទ្របន្ថែម អ្នកអាចទាក់ទងទៅមិត្តភ័ក្តិរបស់យើងតាមរយៈគេហទំព័រ www.safe2choose.org, www.womenhelp.org ឬ www.womenonweb.org។.
ប្រសិនបើអ្នកបានប្រើថ្នាំគ្រាប់រំលូតកូនមីហ្វេប្រីស្តូន (mifepristone) និងមីសូប្រូស្តូល misoprostol អ្នកប្រហែលជាមិនចាំបាច់ទៅជួបអ្នកផ្តល់សេវាថែទាំសុខភាពសម្រាប់ការតាមដានបន្តទៀតទេ។ ថ្នាំទាំងនះមានប្រសិទ្ធភាពណាស់ដែលអង្គការសុខភាពពិភពកលោកណែនាំថា អ្នកចាំបាច់ត្រូវតាមដានបន្តទៀតប្រសិនបើ៖
- អ្នកមានអារម្មណ៍ថាឈឺ ឬការឈឺរបស់អ្នកមិនធូរស្បើយបន្ទាប់ពី 2 ឬ 3 ថ្ងៃ។ ប្រសិនបើបញ្ហានេះកើតឡើង សូមស្វែងរកការថែទាំខាងវេជ្ជសាស្ត្រភ្លាមៗ។
- អ្នកនៅតែមានអារម្មណ៍ថាមានផ្ទៃពោះរយៈពេលពីរសប្តាហ៍បន្ទាប់ពីប្រើថ្នាំរំលូតកូន។
- ការហូរឈាមរបស់អ្នកច្រើន ហើយមិនថយចុះបន្ទាប់ពី 2 សប្តាហ៍។
ការណែនាំសម្រាប់តែការរំលូតកូនដោយប្រើថ្នាំមីសូប្រូស្តូល (Misoprostol) ប៉ុណ្ណោះ
មុនពេលចាប់ផ្តើម សូមអានការណែនាំរបស់យើងនៅលើ មុនពេលប្រើថ្នាំគ្រាប់។ ត្រូវប្រាកដថា៖
- ការមានផ្ទៃពោះរបស់អ្នកគឺស្ថិតក្នុងរយៈពេល 13 សប្តាហ៍ដំបូង (91 ថ្ងៃ)
- អ្នកបានពិនិត្យមើល ការពិចារណា និង ការណែនាំទូទៅ ទាំងអស់របស់យើង
- អ្នកមាន ផែនការសុវត្ថិភាព ដែលបានត្រៀមជាស្រេចនៅក្នុងករណីបន្ទាន់ដោយកម្រ.
ប្រសិនបើមីហ្វេប្រីស្តូន (mifepristone) មិនមាននៅក្នុងការកំណត់របស់អ្នកទេ អ្នកអាចប្រើមីសូប្រូស្តូល (misoprostol) តែមួយមុខ ដើម្បីបញ្ចប់ការមានផ្ទៃពោះ។
ចំពោះការរំលូតកូនដោយប្រើតែមីសូប្រូស្តូល (misoprostol) អ្នកនឹងត្រូវលេបថ្នាំមីសូប្រូស្តូល (misoprostol) ចំណុះ 200mcg ។ អ្នកក៏នឹងត្រូវមានថ្នាំបំបាត់ការឈឺចាប់នៅក្នុងដៃផងដែរ ដូចជាអ៊ីប៊ុយប្រូហ្វែន (ibuprofen) ដើម្បីជួយគ្រប់គ្រងការឈឺចាប់។ ថ្នាំអាសេតាមីណូហ្វេន (Acetaminophen) និងប៉ារ៉ាសេតាមុល (paracetamol) មិនមានប្រសិទ្ធភាពសម្រាប់ការឈឺចាប់ក្នុងអំឡុងពេលរំលូតកូនទេ ដូច្នេះយើងមិនណែនាំឱ្យប្រើថ្នាំទាំងនេះទេ។
នេះជារបៀបប្រើថ្នាំមីសូប្រូស្តូល (misoprostol) តែមួយមុខ ដើម្បីបញ្ចប់ការមានផ្ទៃពោះ៖
ជំហានទី 1:
ដាក់ថាំមីសូប្រូស្តូល (misoprostol) ចំនួន 4 គ្រាប់ (200 mcg ម្តងមួយៗ) នៅក្រោមអណ្តាតរបស់អ្នក ហើយទុកថ្នាំទាំងនោះនៅទីនោះរយៈពេល 30 នាទីរហូតដល់រលាយអស់។ អ្នកមិនគួរនិយាយ ឬញ៉ាំអាហារក្នុងរយៈពេល 30 នាទីនេះទេ ដូច្នេះជាការល្អដែលអ្នកត្រូវនៅកន្លែងស្ងាត់ដែលគ្មានអ្នករំខាន។ បនាប់ពី 30 នាទីក្រោយ សូមផឹកទឹកឱ្យបានច្រើន និងលេបអ្វីដែលនៅសេសសល់ពីថ្នាំគ្រាប់នោះ។ នេះក៏ជាពេលវេលាល្អក្នុងការលេបថ្នាំបំបាត់ការឈឺចាប់ផងដែរ ដូចជាអ៊ីប៊ុយប្រូហ្វែន (ibuprofen) ព្រោះការឈឺចាប់រមួលនឹងចាប់ផ្តើមឆាប់ៗនេះ។
ជំហានទី 2:
រង់ចាំ 3 ម៉ោង។
ជំហានទី 3:
ដាក់ថាំមីសូប្រូស្តូល (misoprostol) ចំនួន 4 គ្រាប់ផ្សេងទៀត (200mcg) នៅក្រោមអណ្តាតរបស់អ្នក ហើយទុកនៅទីនោះរយៈពេល 30 នាទីរហូតដល់ថ្នាំនោះរលាយអស់
ជំហានទី 4:
រង់ចាំ 3 ម៉ោងទៀត។
ជំហានទី 5:
ដាក់ថាំមីសូប្រូស្តូល (misoprostol) ចំនួន 4 គ្រាប់ផ្សេងទៀត (200mcg) នៅក្រោមអណ្តាតរបស់អ្នក ហើយទុកនៅទីនោះរយៈពេល 30 នាទីរហូតដល់ថ្នាំរលាយអស់។
អ្នកនឹងចាប់ផ្តើមហូរឈាម និងឈឺចាប់រមួល បន្ទាប់ពីប្រើថ្នាំគ្រាប់នោះរួច។ ត្រូវប្រាកដថាលេបថ្នាំ 12 គ្រាប់ទាំងអស់ ទោះបីអ្នកចាប់ផ្តើមហូរឈាមមុនពេលអ្នកលេបថ្នាំទាំងអស់ក៏ដោយ។
ការពិចារណាផ្សេងទៀតសម្រាប់ការរំលូតកូនដោយប្រើថ្នាំមីសូប្រូស្តូល (Misoprostol)៖
ស្វែងយល់ពីអ្វីដែលត្រូវគិតទុកមុន បន្ទាប់ពីប្រើថ្នាំមីសូប្រូស្តូល (Misoprostol) ទីនេះ។
ប្រសិនបើអ្នកប្រឈមមុខនឹងការឈឺចាប់រមួលខ្លាំង អ៊ីប៊ុយប្រូហ្វែន (ibuprofen) គឺជាថ្នាំដ៏ល្អបំផុតដើម្បីដោះស្រាយការឈឺចាប់។ អ្នកអាចទិញអ៊ីប៊ុយប្រូហ្វែន (ibuprofen) កម្លាំង 200mg នៅតាមឱសថស្ថាន (ដោយគ្មានវេជ្ជបញ្ជា) នៅក្នុងប្រទេសភាគច្រើន។ លេបថ្នាំ 3-4 គ្រាប់ (200 mg ម្ដងមួយៗ) រៀងរាល់ 6-8 ម៉ោងម្ដង។ ប្រសិនបើអ្នកត្រូវការអ្វីបន្ថែមសម្រាប់បំបាត់ការឈឺចាប់ អ្នកក៏អាចប្រើថ្នាំទីឡេណុល (Tylenol) (325 mg) ចំនួន 2 គ្រាប់រៀងរាល់ 6-8 ម៉ោងម្តង។
ប្រសិនបើអ្នកព្រួយបារម្ភអំពីដំណើរការរំលូតកូន ហើយចង់បានការគាំទ្របន្ថែម អ្នកអាចទាក់ទងទៅមិត្តភ័ក្តិរបស់យើងតាមរយៈគេហទំព័រ www.safe2choose.org, www.womenhelp.org ឬ www.womenonweb.org។.
ប្រសិនបើអ្នកបានប្រើថ្នាំមីសូប្រូស្តូល (misoprostol) អ្នកប្រហែលជាមិនចាំបាច់ទៅជួបអ្នកផ្តល់សេវាថែទាំសុខភាពសម្រាប់ការតាមដានបន្តទៀតទេ។ ថ្នាំទាំងនះមានប្រសិទ្ធភាពណាស់ដែលអង្គការសុខភាពពិភពកលោកណែនាំថា អ្នកចាំបាច់ត្រូវតាមដានបន្តទៀតប្រសិនបើ៖
- អ្នកមានអារម្មណ៍ថាឈឺ ឬការឈឺរបស់អ្នកមិនធូរស្បើយបន្ទាប់ពី 2 ឬ 3 ថ្ងៃ។ ប្រសិនបើបញ្ហានេះកើតឡើង សូមស្វែងរកការថែទាំខាងវេជ្ជសាស្ត្រភ្លាមៗ។
- អ្នកនៅតែមានអារម្មណ៍ថាមានផ្ទៃពោះរយៈពេលពីរសប្តាហ៍បន្ទាប់ពីប្រើថ្នាំរំលូតកូន។
- ការហូរឈាមរបស់អ្នកច្រើន ហើយមិនថយចុះបន្ទាប់ពី 2 សប្តាហ៍។
អ្នកនិពន្ធ៖
- រាល់ខ្លឹមសារទាំងអស់ដែលមាននៅលើគេហទំព័រនេះត្រូវបានសរសេរដោយក្រុមការងារ HowToUseAbortionPill.org ដោយអនុលោមតាមស្តង់ដារ និងពិធីសារពី សហព័ន្ធរំលូតកូនថ្នាក់ជាតិ, Ipas, អង្គការសុខភាពពិភពលោក, DKT អន្តរជាតិ និង carafem។
- សហព័ន្ធរំលូតកូនថ្នាក់ជាតិ (NAF) គឺជាសមាគមគ្រូពេទ្យផ្តល់សេវារំលូតកូនដែលមានជំនាញវិជ្ជាជីវៈនៅអាមេរិកខាងជើង និងឈានមុខគេនៅក្នុងចលនាគាំទ្រជម្រើសផ្ទាល់ខ្លួន។ ខ្លឹមសារដែលមាននៅលើ HowToUseAbortionPill.org ត្រូវបានអនុលោមតាមសេចក្ដីណែនាំស្ដីពីគោលការណ៍គ្លីនិកឆ្នាំ 2020 ចេញផ្សាយដោយ NAF។
- Ipas គឺជាអង្គការអន្តរជាតិតែមួយគត់ ដែលផ្តោតតែលើការពង្រីកលទ្ធភាពទទួលបានការរំលូតកូនដោយសុវត្ថិភាព និងការថែទាំផ្នែកពន្យាកំណើត។ ខ្លឹមសារដែលមាននៅលើ HowToUseAbortionPill.org ត្រូវបានអនុលោមតាម ការធ្វើបច្ចុប្បន្នភាពគ្លីនិកស្តីពីសុខភាពបន្តពូជឆ្នាំ 2019 ចេញផ្សាយដោយ Ipas។
- អង្គការសុខភាពពិភពលោក (WHO) គឺជាទីភ្នាក់ងារជំនាញរបស់អង្គការសហប្រជាជាតិទទួលបន្ទុកផ្នែកសុខភាពសាធារណៈអន្តរជាតិ។ ខ្លឹមសារដែលមាននៅលើ HowToUseAbortionPill.org ត្រូវបានអនុលោមតាម ការរំលូតកូនដោយសុវត្ថិភាពឆ្នាំ 2012៖ សេចក្ដីណែនាំស្ដីពីបច្ចេកទេស និងគោលការណ៍ សម្រាប់ប្រព័ន្ធសុខាភិបាល ចេញផ្សាយដោយ WHO។
- DKT អន្ដរជាតិគឺជាអង្គការមួយដែលបានចុះបញ្ជី មិនស្វែងរកប្រាក់ចំណេញ ដែលបានបង្កើតឡើងក្នុងឆ្នាំ 1989 ដើម្បីផ្តោតឥទ្ធិពលនៃទីផ្សារសង្គមលើប្រទេសធំៗមួយចំនួន ដែលមានតម្រូវការខ្ពស់បំផុតសម្រាប់ការធ្វើផែនការគ្រួសារ ការបង្ការមេរោគអេដស៍/ជំងឺអេដស៍ និងការរំលូតកូនដោយសុវត្ថិភាព។
- carafem គឺជាបណ្តាញគ្លីនិកមួយ ដែលផ្តល់នូវការថែទាំ និងការរំលូតកូនប្រកបដោយភាពងាយស្រួល និងមានវិជ្ជាជីវៈ ដើម្បីឱ្យមនុស្សអាចគ្រប់គ្រងចំនួន និងគម្លាតកូនៗរបស់ពួកគេបាន។
សេចក្ដីយោង:
- “Safe abortion: technical and policy guidance for health systems.” World Health Organization. https://apps.who.int/iris/bitstream/handle/10665/70914/;jsessionid=B7AEEBE4F34809D869F73B1ABA7F6221?sequence=1
- “Clinical updates in reproductive health.” Ipas. https://www.ipas.org/resource/clinical-updates-in-reproductive-health/
- “Providing medical abortion in low-resource settings: An introductory guidebook. Second edition.” Gynuity. https://gynuity.org/assets/resources/clinguide_maguide2nd_edition_en.pdf
- “Clinical policy guidelines for abortion care.” National Abortion Federation (NAF). https://5aa1b2xfmfh2e2mk03kk8rsx-wpengine.netdna-ssl.com/wp-content/uploads/2018_CPGs.pdf